دیوریا: فرنیچر کاروباری کا قتل

اترپردیش کے ضلع دیوریا کے صدر کوتوالی علاقے میں سنیچر کی صبح ایک فرنیچر تاجر کی لاش ملنے سے علاقے میں سنسنی پھیل گئی۔ تاجر کے سر پر کلہاڑی سے حملہ کیا گیا ہے۔

اڈیشنل سپرنٹنڈنٹ آف پولیس ششپال نے بتایا کہ دیوریا خاص باشندہ سریش کیش شرما کی شہر سے منسلک امیٹھی گاؤں میں فرنیچر کی دوکان تھی۔گذشتہ رات نامعلوم بدمعاشوں نے کلہاڑی سے حملہ کر کے اس کا قتل کردیا اور موقع سے فرار ہوگئے۔ آج صبح ان کی لاش دوکان میں ملی ہے۔ پولیس نے لاش کو پوسٹ مارٹم کے لئے بھیج دیا ہےْپولیس پورے معالے کی جانچ کررہی ہے۔

مقتول تاجر نے اپنی جان کے تحفظ کے لئے ہتھیار لائسنس کے لئے درخواست دی تھی۔ بتایا جاتا ہے کہ مقتول کے والد اوپیندر شرما پر کئی طرح کے مجرمانہ مقدمے ہیں ان پر قتل کا بھی مقدمہ درج ہے۔

پولیس اس قتل کی واردات کو گھریلو تنازع کے طور پر دیکھ رہی ہے۔ پولیس کا دعوی ہے کہ جلد ہی قاتلوں تک رسائی حاصل کرلئ جائےگی۔