Uttar Pradesh State Hajj Committee لکھنو سے 25 سو عازمین حج پرواز کریں گے

حج کمیٹی آف انڈیا نے عازمین حج کی پرواز کے لئے لکھنؤ اور وارانسی کو امبارگیشن پوائنٹ منتخب کیا تھا لیکن عین وقت پر بنارس میں ریاستی حج کمیٹی کی میٹنگ میں فیصلہ لیا گیا کہ بنارس سے پرواز کرنے والے 25 سو عازمین حج اب بنارس سے پرواز نہیں بلکہ لکھنؤ سے پرواز کریں گے۔

لکھنؤ: ریاستی حج کمیٹی کے چیئرمین محسن رضا نے ای ٹی وی بھارت سے بات چیت کرتے ہوئے کہا کہ گزشتہ دنوں بنارس میں حج کمیٹی کی میٹنگ ہوئی تھی جس میں فیصلہ لیا گیا کہ بنارس سے پرواز کرنے والے 25 سو عازمین حج لکھنؤ سے پرواز کریں گے۔ ان کی پریشانیوں کے مدنظر یہ فیصلہ لیا گیا تھا۔

انہوں نے کہا کہ حج کمیٹی آف انڈیا اور مرکزی اقلیتی وزارت نے بنارس کے عازمین کو کہا تھا کہ وہ دہلی سے پرواز کریں گے لیکن دہلی کافی دور ہے۔ ہم نے خط لکھ کر کے مطالبہ کیا کہ عازمین کو لکھنؤ سے پرواز کرائیں جس پر وزارت نے اتفاق کیا اور اب بنارس سے جانے والے عازمین حج لکھنؤ سے پرواز کرے کریں گے۔ریاستی حج کمیٹی کے چیئرمین محسن رضا نے کہا کہ حج کی تمام تر سہولیات ریاستی حج کمیٹی مہیا کر آئے گی۔ کسی بھی قسم کی پریشانی نہیں آئے گی۔ تمام تر تیاریاں مکمل کر لی گئی ہیں۔ انہوں نے کہا کہ جو بھی زائد رقم ہوں گے۔ عازمین حج کو واپس کردیا جائے گا۔ کسی قسم کی دشواری پیش نہیں آئے گی۔

انہوں نے کہا کی تمام تر تیاریاں مکمل کرلی تھی وارانسی میں گو فرسٹ ائیر لائن سے عازمین حج کو جانا تھا، دوسرے ایئرلائن کی سہولت موجود نہیں تھی، یہی وجہ ہے کہ بنارس کے عازمین کو اب لکھنؤں سے پرواز کرنا ہوگا۔انہوں نے کہا کہ کچھ ہی دنوں میں شیڈول آجائے گا۔