اتر پردیش: اسپرٹ پینے سے ایک کی موت

ضلع کوشامبی میں دو بھائیوں نے لاک ڈاؤن کے دوران شراب نہ ملنے پراسپرٹ پی لی۔

ریاست اتر پردیش کے ضلع کوشامبی میں دو بھائیوں نے شراب نہ ملنے پر اسپرٹ پی لیا جس کے بعد ان کی حالت خراب ہو گئی۔ گاؤں والے دونوں کو ہسپتال لے گئے لیکن ایک شخص کی راستے میں ہی موت ہو گئی جبکہ دوسرے کی بھی حالت تشویشناک ہے۔

یہ واقعہ ضلع کوشامبی کے منجھن پور کوتوالی علاقہ کے گاؤں سرچن پور کا ہے۔ اطلاع کے بعد موقعے پر پہنچی پولیس نے نوجوان کی لاش کو پوسٹ مارٹم کے لیے بھیج دیا۔

ضلع کوشامبی کے سرچن پورگاؤں کا رہائشی شمبھو ناتھ کوشامبی پولیس لائن میں پیروکار کے عہدے پر تعینات ہے۔