بجنور: نابالغ کی لاش برآمد

بجنور میں دو دن پہلے گھر سے جنگل گئی 14 سالہ لڑکی کی گنگا میں رسی سے ہاتھ بندھی لاش برامد ہوئی ہے، موقع پر پہنچی پولیس نے لاش کو قبضے میں لے کر پوسٹ مارٹم کے لئے روانہ کر دیا ہے۔

ریاست اترپردیش کے بجنور ضلع کے تھانہ کوتوالی شہر کے بجنور سے ملحق دارا نگر گنج میں 14 سال کی معصوم لکشمی کھیت پر گئی تھی جس کے بعد وہ گھر واپس نہیں آئی۔

کافی تلاش کرنے کے بعد جنگل میں ہی گنگا کے کنارے لکشمی کی لاش ملی ہے- لکشمی کے دونوں ہاتھ رسی سے بندھے ھوئے تھے۔ گردن اور چہرے پر بھی معمولی چوٹ کے نشان واضح طور پر دکھائی دئے۔

مقتولہ کے گھروالوں نے قتل کی سازش قرار دیا ہے۔ فی الحال پولیس پورے معاملے کی تفتیش میں مصروف ہو ہے- اس معاملے میں اب تک کسی کی گرفتاری عمل میں نہیں آئی ہے ۔ موقعہ پر پہنچی پولیس نے لاش کو پوسٹ مارٹم کے لئے روانہ کر دیا ہے۔