مدرسہ بورڈ چیئرمین نے وزیر اعلی کو خط لکھ کر غیر منظور شدہ مدارس کو منظوری دینے کا مطالبہ کیا

اتر پردیش مدرسہ تعلیمی بورڈ کے چیئرمین ڈاکٹر افتخار احمد جاوید نے یو پی کے وزیراعلی یوگی ادتیہ ناتھ خط لکھ کر غیر منظور شدہ مدارس کے سروے کو ایک برس مکمل ہونے کی جانب توجہ دلائی ہے ساتھ ہی یہ بھی مطالبہ کیا ہے کہ ان مدرسوں کو بورڈ سے منظوری دی جائے یہ مدرسے غریب اور پسماندہ سماج کے بچوں کی تعلیم کے لیے کام کر رہے ہیںUttar Pradesh Madrasa Board Chairman

لکھنو:اتر پردیش مدرسہ تعلیمی بورڈ کے چیئرمین ڈاکٹر افتخار احمد جاوید نے خط میں لکھا ہے کہ ریاستی حکومت نے گزشتہ برس غیر منظور شدہ مدرسوں کا سروے کرایا تھا جن کے تعلق سے اب تک متعدد بار جانچ بھی ہوئی ہے لہذا اب ہم نے وزیر اعلی کو خط لکھ کر اس جانب توجہ دلائی ہے کہ ان مدرسوں کو مدرسہ بورڈ سے منظوری دیا جانا چاہیے۔

انہوں نے کہا کہ یہ مدرسے سماج میں بہتر کام کر رہے ہیں کچھ غیر سماجی عناصر ان مدرسوں کو غیر قانونی بھی کہتے ہیں لہذا مدرسہ بورڈ ان مدرسوں کو منظوری دے تاکہ یہ اپنا کام کو بہتر طریقے سے انجام دے سکیں۔

واضح رہے کہ اس سے قبل ستمبر ماہ میں مدرسہ بورڈ کی ایک اہم میٹنگ ہوئی تھی جس میں مدرسہ بورڈ کے اراکین چیئرمین اور افسران موجود تھے اس میں اس بات پر تبادلہ خیال کیا گیا تھا کہ یو پی کے 8 ہزار مدرسوں کو منظوری دیا جائے گا جس کے بعد بورڈ کے چیئرمین اور ممبروں کے مابین اختلاف ہوا تھا اب بورڈ کے چیئرمین نے بذات خود وزیراعلی کو خط لکھ کر کے مطالبہ کیا ہے کہ اس جانب توجہ دیں اور ان مدرسوں کو بورڈ سے منسلک کر غریب اور پسماندہ مسلم سماج کی حوصلہ افزائی کریں۔