Satkhannda Monument لکھنؤ کی یہ تاریخی عمارت جسے منحوس کہا جاتا ہے

دارالحکومت لکھنؤ میں تاریخی عمارتوں میں آصفی امام باڑہ، جھوٹا امام باڑہ کے مابین واقع ستکھنڈا عمارت اپنی ادھوری تعمیر کی کئی کہانیاں کررہی ہے۔ ایک کہانی میں اس کی نامکمل تعمیر کی وجہ اس کا منحوس ہونا بتایا جاتا ہے۔

لکھنو:ریاست اترپردیش کے لکھنو میں واقع ستکھنڈا یعنی سات منزلہ عمارت کی تعمیر 1842 میں نواب محمد علی شاہ نے تعمیر کرانا شروع کیا تھا جس کا مقصد تھا کہ یہاں پر نوابین اور بیگمات کے لیے عید اور محرم کا چاند دیکھنے کا بند و بست کرنا تھا لیکن اس عمارت کے مکمل ہونے سے پہلے نواب محمد علی شاہ جائزہ لینے ستکھنڈا پہنچے اور وہیں ان کا پیر پھسل گیا۔ علاج کے دوران ان کا انتقال ہو گیا۔ یہی وجہ رہی کہ اس عمارت کو منحوس کہا جانے لگا۔

نوابوں کے خاندان سے تعلق رکھنے والے نواب مسعود عبداللہ نے ای ٹی وی بھارت سے بات چیت کرتے ہوئے کہا کہ نواب محمد علی شاہ نے ست کھنڈا عمارت کی تعمیر نوابوں کی بیگمات اور نوابوں کو محرم اور عید کا چاند دیکھنے کے لیے کی جا رہی تھی لیکن اسی مقام پر نواب محمد علی شاہ کا پیر پھسل گیا۔ اسی میں حادثہ میں ان کا انتقال ہو گیا۔

اس کے بعد ست کھنڈا کی تعمیر ادھوری رہ گئی۔ امجد علی شاہ اس کے بعد نواب ہوئے۔ انہوں نے اس عمارت کو مکمل اس لیے نہیں کرایا چونکہ کہا جاتا ہے کہ اس عمارت کی تعمیر کی وجہ سے ان کا انتقال ہوا۔ یہی وجہ ہے کہ اس عمارت کو منحوس کہا جاتا ہے۔

مسعود عبداللہ بتاتے ہیں کہ اکھلیش یادوں نے اپنے دور حکومت میں ستکھنڈے کی تزئن کاری کرائی تھی لیکن موجودہ دور میں ستکھنڈا بدحال ہے۔ اس کی دیکھ ریکھ پر کوئی توجہ نہیں ہے۔ لکھوری ایٹ اور بہترین نقاشی کی وجہ سے ستکھنڈا سیاحوں کی توجہ کا مرکز رہتا ہے لیکن موجودہ دور میں حکومت کی عدم توجہی کی وجہ سے ستکھنڈا اب خستہ حال ہے۔