دہلی پولیس تھانہ منڈوالی کے ایس ایچ او پرشانت مینا نے لاک ڈاؤن کی خلاف ورزی کرنے والوں کو نہ تو ڈنڈے سے سمجھایا اور نہ ہی مقدمہ اور جیل سے ڈرایا ۔بلکہ کورو نا سے ڈرا کر ان سب کو ایک سبق سکھایا۔
تبھی علاقہ کے ایس ایچ او نے لاک توڑنے والوں کو ایک انوکھی اور ڈراؤنی سزا دی۔وہاں پاس میں ہی سڑک کنارے کرونا مریض کو مردہ دکھا کر ان لاک ڈاؤن کی خلاف ورزی کرنے والوں سے ارتھی اٹھانے کے لئے کہا ۔
ارتھی دیکھ کر سبھی کے ہاتھ پیر پھول گئے اور فرار ہونے کی کوشش کرنے لگے تاہم پولیس نے پکڑ کر ارتھی اٹھوائی اور لاک ڈاؤن کی خلاف ورزی کرنے والوں کو ایک سبق بھی سکھایا۔
بتاتے چلیں کہ یہ نقلی ارتھی بنائی گئی تھی جس میں مردہ کی شکل میں ایک پتلہ بنا کر لٹایا گیا تھا ۔تاکہ لوگوں میں کورونا کا خوف برقرار رہے اور لاک ڈاؤن کی بھی خلاف ورزی سے گریزاں رہیں اور اپنی صحت کا بھی خیال رکھیں۔
دوسری جانب موٹر سائیکل سوار لاک ڈاؤن کی خلاف ورزی کرنے والوں کا کہنا ہے کہ پولیس کی اس قسم کی سزا سبق آموز ہے اور لوگ لاک ڈاؤن توڑنے سے پہلے ایک بار ضرور سوچیں گے۔بہرحال پولیس نے کورونا سے بچنے اور لاک ڈاؤن کی پاسداری کرنے کا حلف دلاکر انہیں چھوڑ دیا۔
