اتر پردیش: باہمت خاتون کے سامنے دبنگوں کے حوصلے پست

اتر پردیش کے ضلع بجنور میں چند دبنگوں نے کاشت کی زمین پر غیر قانونی تعمیرات کے ذریعہ قبضہ کرنے کی کوشش کررہے تھے، مگر ایک با ہمت خاتون نے تعمیراتی کاموں کو پایہ تکمیل سے قبل ہی اسے روک دیا۔

ضلع بجنور کے تھانہ نجیب آباد کے ساہن پور قصبے کے ندافان میں کاشت کی اراضی خسرہ نمبر 258 پر علاقہ کے چند دبنگوں کے غیر قانونی تعمیرات کے ذریعہ قبضہ کرنے کی کوشش میں تھے۔

مگر ان کی یہ کوشیں اس وقت ناکام ہوگئی جب ایک خاتون نے حوصلہ کا مظاہرہ کرتے ہوئے اپنے ہاتھوں سے غیر قانونی تعمیرات کو روکنے کی کوشش کی ۔

حلانکہ دبنگوں نے خاتون کے ساتھ دھکا مکی بھی کی ، مگر خاتون نے اس غیر قانونی تعمیرات کی اطلاع پولیس کو دی ۔

پولیس کے پہنچنے کے بعد تعمیرات کو روک دیا گیا ۔

متاثر کا کہنا کہ کاشت کی اس اراضی پر نجیب آباد کورٹ کا اسٹے ہے ، مگر اس کے باوجود اجے کمار سنگھل کے علاوہ دیگر کئی دبنگوں نے اس زمین پر قبضہ کرنے کی کوشش کی ۔

دنگوں کے خلاف منو تھانہ میں شکایت درج کرائی گئی ہے ۔