یوپی: پرالی جانے پر پابندی

این جی ٹی کی سختی سے اترپردیش حکومت نے بھی دھان کی کٹائی کے بعد پرالی جلانے پر سختی سے پابندی عائد کر دی ہے۔ دھان کی فصل ہارویسٹر کی مددسے کاٹنے پر پودے کا نصف سے زائد حصہ کھیتوں میں ہی چھوٹ جاتا ہے۔ جس کو پرالی کہا جاتا ہے۔ عام طورپر نجات پانے کے لئے کاشتکار فصل کی ان باقیات کو نذرآتش کر دیتے ہیں۔ اس عمل سے فضا میں کثیر پیمانے پر آلودگی پھیلنے کا خطرہ رہتا ہے۔

مئو ضلع میں بھی بڑے کاشتکار کمبائنڈ مشینوں سے ہی اپنی دھان کی فصل کٹوا رہے ہیں۔ بقیہ پرالی ابھی کھیتوں میں ہی موجود ہے۔ اس ضمن میں حکومت نے سخت گائیڈلائن جاری کی ہے۔ پرالی جلانے والے کاشتکاروں کے خلاف مقدمے درج کئے جا رہے ہیں۔ ان میں کچھ کو جیل بھی بھیجا گیا ہے۔

افسران کو ہدایت دی گئی ہے کہ وہ کاشتکاروں کو پرالی جلانے سے روکیں۔ افسران کے مطابق پرالی کو کھیت میں ہی کھاد کی شکل میں استعمال کیا جاسکتا ہے۔ کھیت کی جتائی کے وقت پرالی بھی مٹی میں زم ہو کر اس کی پیداوار میں اضافہ کر سکتی ہے لیکن کاشتکار حکومت کی سختی سے کافی پریشان ہیں۔

ان کا کہنا ہے کہ پرالی کافی دیر سے مٹی میں زم ہوتی ہے، جس کی وجہ سے گندم کی فصل کی بوآئی میں تاخیر ہو جاتی ہے۔ اس کا براہ راست نقصان پیداوار پر ہوتا ہے۔

یوپی حکومت نے پرالی جانے پر پابندی عائد کی

کبھی کبھی زیادہ تاخیر ہونے سے برسات تک گندم کی فصل تیار نہیں ہو پاتی۔ بارش ہو جانے سے گیہوں کی فصل کھیتوں میں ہی سڑ جاتی ہے۔