گؤشالہ کے نام پر بدعنوانی

کورونا وائرس سے جہاں عوام پریشان ہیں خاص طور پر غریب مزدور وہیں جانوروں کا بھی حال کافی تشویشناک ہے ۔گؤشالہ میں رہنے والی گائے بھی وہاں کے ذمہ داروں کی بےایمانی کے سبب بھوک و پیاس سے بے حال ہیں۔

اترپردیش کے ضلع بہرائچ کے ترقیاتی بلاک بلہا کے گاؤں لکشمن پور مٹیہی کے گؤشالہ میں گاۓ بھوک و پیاس سے بیحال ہیں ۔

ان کی موت ہو رہی ہے ۔ اس سلسلے میں ملازم نے بتایا کہ یہاں پر رہنے والی درجنوں گاۓ کو پیٹ بھر چارا بھی نہیں مل رہا ہے

یہاں کے ذمہ دار جو دے دیتے ہیں اسی سے کام چلانا ہماری مجبوری ہے۔ چارا میں صرف سوکھا بھوسا اس میں بھی تقریباً آدھا کلو گرام کے مٹی کے روڑے جو کہ صاف دکھائی پڑ رہا ہے۔ صاف پانی کا بھی معقول انتظام نہیں ہے ۔

گؤشالہ کے نام پر ہو رہا ہے رقم خردبرد

جب گاؤں پردھان سے کہا جاتا ہے تو وہ کہتے ہیں کہ جب آئے گا تب بھیجوادوں گا اور ایسے ہی ٹالتے رہتے ہیں۔
اسی گؤشالہ میں رہ رہیں ایک سادھوی نے بتایا کہ یہاں گاۓ جب مر جاتی ہے تو اور پریشانی بڑھ جاتی ہے ۔

اس گؤشالہ میں بدعنوانی جاری ہے ۔

اس گؤشالہ میں چوکیدار سمیت چار ملازم کام کرتے ہیں لیکن ان پر عہدہ اداروں کا خوف اتنا صادر ہے کہ ان کا نام تک لینے سے گریز کر رہے ہیں۔