آٹھ ضلع افسروں کو رینکنگ میں بہتری لانے کی ہدایات

اترپردیش کے وزیراعلی یوگی آدتیہ ناتھ نے ریاست کے کثیر المقاصد آٹھ اضلاع کے ضلع افسروں کو نیتی آیوگ کے معیار کے مطابق اپنی رینکنگ میں بہتری لانے کی ہدایت کی۔

وزیر اعلیٰ جمعہ کی شام یہاں لوک بھون میں پردیش کے آٹھ کثیرالمقاصد اضلاع کے خدوخال تبدل کرنے کے تعلق سے ضلع افسروں اور متعلقہ حکام کے ساتھ ویڈیو كا نفرنس کے دوران حکام کو خطاب کر رہے تھے۔
انہوں نے کہا کہ اس سلسلے میں ہر ماہ جائزہ لیں اور ٹھوس ایکشن پلان بناتے ہوئے اس بات کو یقینی بنائیں کہ ان سے متعلق اضلاع ملک میں رینکنگ کے معاملے میں اول 10 پر آئیں۔
انہوں نے کہا کہ تمام اضلاع میں باقاعدگی سے اعداد و شمار کی درستگی کے ساتھ ڈیٹا فیڈنگ یقینی بنائی جائے۔
جس سے ضلع کی رینکنگ متاثر نہ ہو۔ انہوں نے جن آٹھ اضلاع کے بارے میں کہا، ان میں چتر کوٹ، بلرام پور،بہرائچ، سون بھدر، شراوستی، چندولی، سدھارتھ نگر اور فتح پور شامل ہیں۔
یو گی نے ان اضلاع پر نیتی آیوگ کی طرف سے دیے گئے چھ مخصوص شعبوں صحت اور تغذیہ، تعلیم، زراعت اور آبی وسائل، مالیاتی اشتراک ، ہنرمندی کے فروغ اور بنیادی ڈھانچے میں رینکنگ کے سلسلے میں حکام سے تفصیلی گفت و شنید کی اور انہیں ہدایات دی۔
انہوں نے کہا کہ بہرائچ، سدھارتھ نگر کی مجموعی رینکنگ میں کمی آئی ہے، جس پر توجہ دیے جانے کی ضرورت ہے۔
انہوں نے کہا کہ بلرام پور، شراوستی اور چترکوٹ، سون بھدر اور بہرائچ اضلاع کی مجموعی رینکنگ میں پہلے20 پائیدان میں رہے ہیں۔
انہوں نے کہا کہ اگر متعلقہ اضلاع کے افسر ٹیم ورک کے ساتھ کام کریں تو بہتر نتائج آئیں گے ۔ انہوں نے ہدایت دی کہ ان اضلاع سے متعلق ضلع افسران رینکنگ کے سلسلے میں مسلسل جائزہ لیں۔