ڈی ایم نے نگر پالیکا کا اچانک دورہ کیا

ریاست اترپردیش کے ضلع بارہ بنکی میں ڈسٹرکٹ مجسٹریٹ آدرش سنگھ اچانک نواب گنج نگر پالیکا کا جائزہ لینے کے لیے پہنچے جس سے ہلچل مچ گئی۔

کارپوریٹرز نے ڈی ایم سے کئی شکایتیں کیں جس کے بعد ڈی ایم نے اعلیٰ افسروں کو کارپوریٹرز کی شکایات کے ساتھ نگر پالیکا کے تمام مسائل کو حل کرنے کی ہدایت دی۔

ڈی ایم نے شہر کی صفائی اور گئو شالاؤں کے مسائل کو حل کرنے کے لیے خصوصی طور پر ہدایت دی۔

نواب گنج نگر پالیکا میں ڈی ایم نے تمام محکموں کا ایک ایک کر کے جائزہ لیا اور افسران سے گفتگو بھی کی۔

ڈی ایم کے اچانک آنے سے کارپوریٹرز کافی خوش نظر آئے اور یہ امید ظاہر کی کہ ان کے آنے سے جو مسائل برقرار ہیں، وہ جلد ہی حل کیے جائیں گے۔