بینک لوٹ کی کوشش ناکام، تصادم میں لٹیرے گرفتار

بارہ بنکی کے رام نگر میں گزشتہ رات نقب لگا کر بینک لوٹنے کی کوشش کو پولس نے ناکام کر دیا پولس نے تصادم کے بعد ایک بدمعاش کو گرفتار کرلیا ہے. ان کے پاس سے طمنچہ اور گیس کٹر برآمد ہوا ہے۔

اطلاعات کے مطابق دوشنبہ کی دیر رات رام نگر واقع آریہ ورت بینک سے پیٹرولنگ کر رہی پولس پکیٹ کو کھٹ پٹ کی آواز آئی توانہوں نے اپنے افسران کو اس کی اطلاع دی.

اطلاع پر سی او نے کئی تھانوں سے پولس کو بلایا اور بینک کا گھیراؤ کر لیا.

اس کے بعد پولس اندر داخل ہی ہو رہی تھی اسی وقت اندر سے بدمعاشوں نے پولس پر فائرنگ شروع کر دی. پولس نے جوابی فائرنگ کی.

پولس فائرنگ میں ایک بدمعاش کے پیر میں گولی لگی. بعد میں پولس نے اسے گرفتار کر لیا. جبکہ اس کے دو ساتھی بھاگنے میں کامیاب رہے.

گرفتار بدمعاشوں کی شناخت رام نگر تھانہ کے امولی کیرتپور گاؤں کے جواہر راجندر پرساد کے طور پر ہوئی ہے. اس کے پاس سے ایک طمنچہ، ایک گیس کٹر، آکسیجن سیلینڈر برآمد ہوا ہے. راجندر پر پہلے سے کئی مقدمے درج ہیں۔