سُنّی بریلوی مسلک کے مذہبی رہنما اور تاج الشریعہ کے خطاب سے مقبول حضرت اختر رضا خاں ازہری میاں کا تیسرا دو روزہ عرسِ تاج الشریعہ اسی مہینے 16 اور 17 جون کو منعقد کیا جائےگا۔
تاج الشریعہ کے صاحب زادے، جماعت رضائے مصطفیٰ کے قومی صدر قاضیٔ بھارت حضرت مفتی عسجد رضا خاں قادری نے دو روزہ عرس کی تمام تقریبات کا پوسٹر آن لائن جاری کیا ہے۔
تاج الشریعہ کا پوسٹر جاری غورطلب ہے کہ یہ عرس درگاہ تاج الشریعہ اور متھورا پور علاقے میں واقع مدرسہ جامعتہ الرضا میں منعقد کیا جائےگا۔ عرس کی تمام تقریبات درگاہ تاج الشریعہ کے سجادہ نشین، تاج الشریعہ کے صاحب زادے، جماعت رضائے مصطفیٰ کے قومی صدر، قاضیٔ بھارت حضرت مفتی عسجد رضا خاں قادری کی سرپرستی اور جماعت رضائے مصطفیٰ کے کے نائب صدر سلمان میاں کی صدارت میں ادا کی جائیں گی۔
عرس انچارج نے پریس رلیز جاری کرتے ہوئے کہا ہے کہ چونکہ اس مرتبہ کورونا جیسی مہلک بیماری پورے ملک میں پھیلی ہوئی ہے۔ لہزا عرسِ تاج الشریعہ کی تمام تقریبات کو آن لائن ہی نشر کیا جائےگا۔ عرس میں کسی بھی طرح کی ویڈیو بنانے پر پابندی رہےگی اور صرف آڈیو کے ذریعے ہی ملک اور بیرونِ ممالک میں اسے نشر کیا جائےگا۔
جماعت رضائے مصطفیٰ کے میڈیا انچارج نے بتایا کہ عرس کے منعقد ہونے کے دن اور تاریخ کے بابت تمام اطلاعات کو آن لائن ہی تمام مریدین، زائرین اور عقیدت مندوں تک پہنچانے کی کوشش کی جا رہی ہے۔
مزید پڑھیں:
دور دراز سے آنے والے تمام زائرین سےگزارش ی گئی ہے کہ عرس میں شرکت کرنے کے بجائے گھر میں رہکر ہی دن، تاریخ اور وقت پر حضرت تاج الشریعہ کی تقریبات منعقد کریں اور اُن کے نام کی فاتحہ دلائیں۔ پوسٹر کو ای میل، واٹس ایپ کے ذریعے بھی تمام لوگوں تک پہنچایا جا رہا ہے۔ پوسٹر میں پروگرام کو آن لائن سماعت کرنے کے لیے ایک لنک بھی دیا گیا ہے، جس سے گھر بیٹھے کوئی بھی مرید عرس میں روحانی طور پر شرکت کرسکتا ہے۔
