مدارس میں ملازمت کے لیے اردو لازمی نہیں!

اترپردیش کے وزیراعلیٰ یوگی آدتیہ ناتھ کی سربراہی میں ریاستی حکومت نے مدارس میں ملازمت کے لیے اردو زبان کا علم ہونے کی شرط کو لازمی نہیں رکھنے کی تجویز پیش کی ہے۔

حکومت نے مدارس میں اساتذہ کی بھرتی کے لیے اردو کی لازمیت کو ختم کر دینے کی تجویز پیش کی ہے۔

واضح رہے اب تک مدارس میں اساتذہ کی بھرتی کے لیے اردو زبان کا علم ہونا، لازمی شرائط میں شامل ہے۔

ایک سینیئر آفیسر کے مطابق اب مدارس کے اساتذہ کو اردو جاننا ضروری نہیں ہے۔ ریاستی حکومت نے ایک تجویز پیش کی ہے جس کے تحت اساتذہ کی بھرتی کے لیے اردو میں مہارت ہونا لازمی نہیں رہے گی۔

حکومت کی مذکورہ تجویز کی مخالفت شروع ہو گئی ہے۔ مسلم مذہبی رہنماؤں کا کہنا ہے کہ یہ یوگی حکومت کی مدارس کو بھگوا رنگ میں رنگنے کی کوشش ہے۔