Urdu Circle Congratulates Imran Pratapgarhi: اردو ادب سے وابستہ لوگوں نے عمران پرتاپ گڑھی کو مبارکباد پیش کی

بارہ بنکی کے شعرائے کرام نے شاعر سے سیاست داں بنے عمران پرتاپ گڑھی کو راجیہ کا رکن منتخب ہونے پر نیک خواہیشات پیش کیا اور امید کی کہ وہ راجیہ سبھا میں اردو کے مسائل کو اٹھائیں گے۔ Urdu Circle of Barabanki Congratulates Imran Pratapgarhi

بارہ بنکی:شاعر عمران پرتاپ گڑھی کے راجیہ سبھا کے لیے منتخب ہونے پر ریاست اتر پردیش کے بارہ بنکی ضلع کے شاعر اور اُردو ادب سے وابستہ افراد میں خوشی کی لہر ہے۔ شہر کے زیادہ تر شعرائے کرام اور ادبی شخصیات نے عمران پرتاپ گڑھی کو مبارکباد پیش کرتے ہوئے ان کے لئے نیک خواہشات کا اظہار کیا ہے اور امید ظاہر کی کہ عمران اردو سے وابستہ مسائل کو ایوان میں مضبوطی کے ساتھ پیش کریں گے۔ Urdu Circle of Barabanki Congratulates Imran Pratapgarhi

بارہ بنکی کی ادبی شخصیت اور خمار اکیڈمی کے چیئرمین عمیر قدوائی نے کہا کہ عمران پرتاپ گڑھی کے رکن راجیہ سبھا منتخب ہونے سے انہیں بڑی خوشی ہے۔ انہوں نے کہا کہ اردو سے وابستہ جو لوگ بھی اونچے مقام تک پہنچتے ہیں ان سے بس یہی آس ہوتی ہے کہ وہ اردو کی پیروی کریں گے۔ انہوں نے کہا کہ 'ہمیں پوری امید ہے کہ عمران پرتاپ گڑھی اردو کی راجیہ سبھا میں مکمل پیروی کریں گے۔۔ وہ انقلابی شاعر ہیں۔ اس لیے وہ اردو کے مسائل کی آواز وہ بلند کرتے رہیں گے۔'

بارہ بنکی کے مشہور شاعر وقار بارہ بنکوی نے عمران پرتاپ گڑھی کے منتخب ہونے پر انہیں مبارکباد پیش کی اور کہا کہ وہ نہایت ذہین شخص ہیں اور انہیں امید ہے کہ وہ اپنے اشعار کے ذریعہ جو بات رکھیں گے ان کا زیادہ اثر ہوگا۔ بارہ بنکی کی مشہور ادبی تنظیم سانجھی وراثت کے بانی اور شہر میں ہر سال مشاعرہ کرانے والے پرویز احمد نے بھی کہا کہ 'عمران پرتاپ گڑھی انقلابی شاعر ہیں اور وہ تمام طبقات کی آواز راجیہ سبھا میں اٹھائیں گے۔'