یو پی ایس آر ٹی سی نے انتظامیہ سے بس نہ روکنے کی درخواست کی

اتر پردیش اسٹیٹ روڈ ٹرانسپورٹ کارپوریشن (یو پی ایس آر ٹی سی) نے تمام ضلعی مجسٹریٹ (ڈی ایم) ، سینئر سپرنٹنڈنٹ آف پولیس (ایس ایس پیز) اور دیگر عہدیداروں سے درخواست کی ہے کہ دہلی سے متصل سرحدی علاقوں میں پھنسے لوگوں کے نقل و حمل کی سہولیات کی فراہمی کے لئے چلائی جارہی 200 خصوصی بسوں کی نقل و حرکت میں رکاوٹیں پیدا نہ کریں-

یوپی ایس آر ٹی سی کے مینجنگ ڈائریکٹر راج شیکھر نے انتظامیہ کو خط میں لکھا ہے کہ اتر پردیش کی حکومت کی ہدایت پر یو پی ایس آر ٹی سی دہلی کے سرحدی اضلاع میں مختلف مقامات پر پھنسے ہوئے لوگوں کو آمدورفت کی سہولیات کی فراہمی کے لئے بسیں چلا رہی ہے۔ یہ بسیں نوئیڈا اور غازی آباد تک پہنچنا شروع ہوگئی ہیں۔ یہ بسیں صبح 8 بجے سے چلنے لگی ہیں اور ہر دو گھنٹوں کے دوران 200 بسیں چلیں گی۔

کچھ بسیں جو پہلے ہی غازی آباد، نوئیڈا اور اس سے متصل علاقوں سے لوگوں کو سوار کرکے اترپردیش کے مختلف اضلاع میں پہنچا رہی ہے

ہمیں مختلف اضلاع کے مختلف چیکنگ پوائنٹس پر ان بسوں کو روکنے کے کچھ معاملات موصول ہوئے ہیں۔ اس لیے یو پی ایس آر ٹی سی تمام ڈی ایم، ایس ایس پیز سے درخواست کر رہی ہے کہ اپنی تمام سرحدی چوکیوں کو آگاہ کردیں کہ وہ ان بسوں کو روکیں نہیں۔

خط میں مزید بتایا گیا ہے کہ مسافروں کو اپنی منزل تک لے جانے کا کام 29 مارچ تک جاری رہے گا۔

خط میں مزید استدعا کی گئی ہے کہ "ڈسٹرینیشن پوائنٹس ڈسٹرکٹ ڈی ایمز" سے آج اور کل اپنے ڈسٹرکٹ پوائنٹس پر پہنچنے والی بس کی تفصیلات کی جانکاری لیں اور تمام مسافروں کے منزل مقصود پر پہنچ جانے کے بعد طبی جانچ کے انتظامات کریں۔

دریں اثنا ان سینکڑوں مسافروں میں زیادہ تر تارکین وطن مزدور اور ان کے کنبہ شامل ہیں ۔بس خدمات شروع ہونے کے بعد دہلی، گروگرام اور دیگر مقامات سے لال کوآ پر جمع ہوئے ان مسافریں کو تالا بندی کے درمیان بسیں اپنی اپنی منزل مقصود تک پہنچا دے گی۔

لال کوآ پہنچنے والوں میں اکثریت نے دہلی میں اپنے قیام گاہ سے پیدل ہی بسوں کی روانگی کی جگہ تک اپنا سفر مکمل کرلیا تھا۔