'اپائے' تنظیم نے کورونا مریضوں کے لئے ائسولیشن وارڈ تیار کیا

کورونا مریضوں کی پریشانیوں کو دیکھتے ہوئے 'اپائے' تنظیم کی جانب سے نوئیڈا سیکٹر 39 میں واقع کمیونٹی سنٹر میں ایک آئیسولیشن وارڈ تیار کیا گیا ہے۔

اترپردیش کے ضلع نوئیڈا میں حکومتی دعوؤں کے بعد بھی کورونا مریضوں کو علاج کے لیے اسپتال میں بیڈ میسر نہیں ہورہے ہیں جس سے کورونا مریضوں کو شدید پریشانیوں کا سامنا کرنا پڑرہا ہے۔

اس کے پیش نظر 'اپائے' تنظیم نے کورونا مریضوں کی پریشانیوں کو دیکھتے ہوئے نوئیڈا سیکٹر 39 میں واقع کمیونٹی سنٹر میں نوئیڈا اتھارٹی اور آر ڈبلیو اے کی مدد سے ایک آئیسولیشن وارڈ تیار کیا ہے۔

اس آئیسولیشن وارڈ میں تنظیم کی جانب سے بستر کے ساتھ ساتھ آکسیجن سلنڈر اور ڈاکٹرز کی تعیناتی کی گئی ہے تاکہ جب تک مریضوں کے لیے اسپتال میں معقول انتظامات نہ ہوجائیں تب تک مریض اس آئیسولیشن سینٹر میں رہ کر علاج کراسکیں۔

یہ سینٹر عارضی آئسولیش سینٹر ہے جو ٫اپائے، غیر سرکاری تنظیم، نوئیڈا اتھارٹی اور RWA کی مدد سے بنایا گیا ہے اس سے اب تک 50 سے زائد مریض فیض حاصل کر چکے ہیں۔

مریضوں کو اسپتال میں بستر کی عدم دستیابی تک ہنگامی صورت حال میں یہاں آکسیجن یا دیگر علاج کی سہولیات میسر ہے۔ این جی او کی زونل ڈائریکٹر میتھلا کماری نے بتایا کہ اب تک اس مرکز سے تقریباً 70 سے 77 افراد استفادہ کرچکے ہیں۔