اترپردیش ہائر ایجوکیشن سروس کمیشن کی ویب سائٹ میں مشہور شاعر اکبر الہ آبادی کے آخری نام کو بدل کر اکبر پریاگ راج کردیا گیا تھا۔ UP Higher Education Website Hack اس تنازعہ کے بعد اترپردیش حکام کا کہنا ہے کہ ویب سائٹ کو ہیک کرلیا گیا تھا اور ہیکرز نے اکبر الہ آبادی سمیت کچھ معروف شاعروں کے آخری نام آلہ آبادی کو پریاگ راج سے بدل دیا تھا۔ Akbar Allahabadi becomes Akbar Prayagraj
اترپردیش ہائر ایجوکیشن کے مطابق ہیکرز نے اپنے اس عمل سے اترپردیش حکومت کے تئیں اپنی ناراضگی کا اظہار کیا ہے۔ اترپردیش حکومت کی جانب سے الہ آباد شہر کا نام تبدیل کرکے پریاگ راج کرنے پر ہیکرز نے یہ راستہ اختیار کیا۔
اترپردیش ہائر ایجوکیشن سروس کمیشن کے چیئرمین ایشور چرن وشوکرما نے بتایا کہ کمیشن ہندی ویب سائٹ کو بحال کرنے میں کامیاب رہا ہے اور اس کے انگریزی پورٹل کو بحال کرنے کا کام جاری ہے۔ UP Higher Comission Chairman Vishvakarma on Akbar Allahabadi
ڈاکٹر وشوکرما نے بتایا کہ اس معاملے کے حوالے سے سٹی پولیس کے سائبر سیل میں شکایت درج کرائی گئی ہے تاکہ مجرمین کو گرفتار کیا جاسکے۔ اس میں واضح طور پر کچھ شرپسندوں کا ہاتھ ہے، شرپسندوں نے اپنے اس عمل سے الہ آباد کا نام تبدیل کیے جانے پر ناراضگی کا اظہار کیا ہیں۔ ڈاکٹر وشوکرما نے اس بات کی وضاحت بھی کی ہے کہ 'کمیشن کا ویب سائٹ کو خراب کرنے میں کوئی کردار نہیں ہے'۔
کمیشن کے چیئرمین نے کہا کہ جن نامور شاعروں اور ادیبوں کا آخری نام 'الہ آبادی' کی جگہ 'پریاگ راج' رکھا گیا تھا، ان میں اکبر الہ آبادی، تیغ الہ آبادی اور رشید الہ آبادی کا نام شامل ہیں۔ کمیشن کے چیئرمین نے کہا کہ ان ناموں کو ہندی ویب سائٹ میں درست کیا گیا ہے اور کمیشن کے انگریزی پورٹل میں ان کے نام کو درست کرنے کا کام جاری ہے۔
اس پورٹل پر الہ آباد شہر، جس کا نام حال ہی میں بدل کر پریاگ راج کردیا گیا ہے، کے بارے میں جانکاری دی گئی ہے، اسی کے ایک حصے میں شہر کے نامور شاعروں اور ادیبوں کا بھی تذکرہ کیا گیا ہے۔ کمیشن کی ویب سائٹ پر جن ادیبوں کے نام کا ذکر کیا گیا ہے، ان میں سید اکبر حسین عرف اکبر الہ آبادی، نوح ناروی، تیغ الہ آبادی، شبنم نقوی اور رشید الہ آبادی شامل ہیں۔
اس واقعے پر رد عمل ظاہر کرتے ہوئے پریاگ راج میں مقیم صحافی دھننجے چوپڑا، جو ایک مشہور ادیب بھی ہیں، نے کہا کہ الہ آباد شہر تاریخ کے صفحات میں درج ہے۔ اکبر الہ آبادی اور رشید الہ آبادی جیسے ادیبوں اور شاعروں نے اس شہر میں رہتے ہوئے اپنی زندگی اور اوقات کا تجربہ کیا ہے اور اسی وجہ سے انہوں نے اپنے نام کے ساتھ الہ آبادی کا تخلص لگایا تھا۔ انہوں نے کہا کہ الہ آباد کا نام بدل کر پریاگ راج کرنا تاریخ کو بدلنے کے مترادف ہے۔
واضح رہے کہ یوگی آدتیہ ناتھ حکومت نے 2018 میں الہ آباد ضلع کا نام بدل کر پریاگ راج کر دیا تھا۔
مزید پڑھیں:Famous poet Akbar Allahabadi is now Akbar Prayagraj: یوگی حکومت پر اسدالدین اویسی کی کڑی تنقید
