UP Tourism یوپی کے وزیر سیاحت نے ریاستی سیاحت کا جائزہ لیا

اترپردیش کے وزیر سیاحت نے آج 'پریٹن بھون 'میں اترپردیش اسٹیٹ ٹورزم ڈیولپمنٹ کارپوریشن لمیٹیڈ Uttar Pradesh State Tourism Development Corporation Limited کے کاموں کا جائزہ لیا اور کہا کہ 'ریاست کی سرحد میں داخل ہونے والے سبھی اہم راستوں پر شاندار گیٹ تعمیر کرایا جائے گا۔

اترپردیش کے وزیر سیاحت اور ثقافت جے ویر سنگھ نے منگل کے روز ایک میٹنگ کے دوران کہا کہ 'ریاست کے سرحد میں داخل ہونے والے سبھی اہم راستوں پر شاندار گیٹ تعمیر کرایا جائے گا اور سبھی گیٹ کو رنگ روگن سے آراستہ کیا جائے گا۔


وزیر جے ویر نے بتایا کہ یہ تمام تعمیرات محکمہ کے ذریعہ کرائی جائے گی اور گیٹ کے نزدیک ایک جدید سہولیات سے آراستہ کامپلیکس بھی بنایا جائے گا جس میں ہوٹل کے علاوہ مقامی اور ریاست کے مخصوص مصنوعات کو رکھا جائے گا۔ کامپلیکس میں ریاست کے اہم سیاحتی مقامات کے بارے میں معلومات کے لئے سیاحتی مرکز بھی قائم کیا جائے گا۔

واضح رہے کہ وزیر سیاحت نے آج 'پریٹن بھون 'میں اترپردیش اسٹیٹ ٹورزم ڈیولپمنٹ کارپوریشن لمیٹیڈ کے کاموں کا جائزہ لیا۔