بچی کو کمیونٹی ہیلتھ سینٹر مہی پوروہ لایا گیا لیکن بچی کی حالت کو نازک دیکھتے ہوئے ڈاکٹر نے اسے بہرائچ ضلع اسپتال کے لیے روانہ کیا، مگر بچی نے زخموں کی تاب نہ لا کر راستے میں ہی دم توڑ دیا ۔
اطلاعات کے مطابق تھانہ موتی پور علاقہ کے گرام پنچایت چودھری گاؤں پور کے مرزعہ عبد اللہ پوروہ کے چنا ولد سلیم کے گھر دوپہر تقریباً دو بجے شارٹ سرکٹ سے آگ لگ گئی، جس سے گھر میں رکھا اناج، نقدی، زیور، کپڑا وغیرہ سبھی کچھ جل کر راکھ کے ڈھیر میں تبدیل ہوگیا۔
مقامی لوگوں کے مطابق 'جب تک لوگ کچھ سمجھ پاتے آگ کی لپٹوں نے پورے گھر کو اپنی چپیٹ میں لے لیا اور دیکھتے ہی دیکھتے پورا گھر آگ کے شعلوں میں تبدیل ہوگیا۔'
اطلاعات کے مطابق چنا کی تین سال کی بچی گھر ہی میں پھنس گئی، جب تک لوگ اسے نکالتے تب تک بچی کافی جھلس چکی تھی، پہلے تو اسے علاج کے لئے سی ایچ سی مہی پورہ لایا گیا، لیکن ڈاکٹر نے حالت کو نازک دیکھتے ہوئے ضلع اسپتال روانہ کیا۔
اسپتال پہنچنے کے بعد ڈاکٹروں نے لڑکی کو مردہ قرار دیا، لڑکی کی موت سے گھر میں کہرام برپا ہے۔