چھٹی پرجانے والے افسران کے خلاف کارروائی کا فیصلہ

کورونا وائرس کو لے کر جہاں ملک میں تمام سرکاری ملازمین اور افسران کی چھٹیاں منسوخ کردی گئی ہیں ،وہیں کچھ افسران اور ملازمین اتر پردیش کے ضلع سہارنپور میں ہیڈ کوارٹر چھوڑکرچلے گئے ہیں ۔ ڈسٹرکٹ مجسٹریٹ نے چھٹی پرجانے والوں کے خلاف کارروائی کا کا فیصلہ کیا ہے۔

سہارنپور کے ڈی ایم اکھلیش پرتاپ سنگھ نے بتایا کورونا وائرس کے سبب جہاں وزیر اعظم نریندر مودی نے پورے ملک میں لاک ڈاون نافذد کردیاہے۔ اپنی جان کو خطرے میں ڈال کر ڈاکٹر ، میڈیا اہلکار ، پولیس اہلکار ، سوئپرز وغیرہ اپنی خدمات انجام دے رہے ہیں ۔

وزیر اعظم نریندر مودی اور وزیر اعلی یوگی آدتیہ ناتھ کے ذریعہ بھی بار بار ملک کے عوام سے اپیل کی جارہی ہے ۔اس لڑائی میں اپنی قربانی دینے والوں کی حوصلہ افزائی بھی کی جارہی ہے،۔

چند لوگ اپنی جان کی فکر کیے بغیر گھروں سے باہر رہ کر ملک کے لوگوں کی زندگیاں بچانے میں مصروف ہیں ۔لیکن کچھ افسران اور ملازمین نے اپنی ذمہ داری سے منہ موڑ کر اترپردیش کے ضلع سہارنپور سے اپنے اپنے گھروں کو چلے گئے ہیں جبکہ کسی کو بھی اس وقت چھٹی نہیں ہے اور سبھی کو ڈیوٹی کرنے کی ہدایت دی گئی ہے۔

اب سہارن پور ضلع مجسٹریٹ اکھلیش سنگھ نے افسران اور ملازمین کے خلاف کارروائی کرنے کا فیصلہ کیا ہے ۔