سنبھل: ریاست اترپردیش کے سنبھل سے سماج وادی پارٹی کے رکن پارلیمان ڈاکٹر شفیق الرحمن برق نے 'شکریہ مودی بھائی جان' پروگرام کو لے کر بی جے پی پر کڑی تنقید کی ہے۔ بھارتیہ جنتا پارٹی کی جانب سے مسلم ووٹروں کو راغب کرنے کے لیے یہ مہم چلائی جا رہی ہے۔ مسلمان اس وقت تکلیف ہے۔مسلمانوں کو سب کچھ یاد ہے۔
سماج وادی پارٹی کے رکن پارلیمان نے کہا کہ مسلمان اس ملک میں بہت ناخوش ہیں۔ انہوں نے جس دکھ اور تکلیف سے دوچار کیا ہے، مجھے نہیں لگتا کہ وہ بی جے پی کے جال میں پھنس جائیں گے۔ مسلم خواتین تعلیم یافتہ ہیں وہ اچھی طرح سے بی جے پی کے سیاسی ہھتکنڈے سے واقف ہیں۔ ان کا مزید کہنا تھا کہ ہمیں جو بھی کام کرنا ہے، وہ اپنی برادری اور ملک کی فلاح و بہبود کے لیے کرنا ہے۔ ہماری مسلم عورتیں یہ نہیں بھول سکتیں کہ ان کے شوہروں، بیٹوں اور بھائیوں کو کس طرح قتل کیا گیا۔انہیں کس طرح تشدد کا شکار بنایاگیا۔ ان پر طرح طرح کے مظالم ڈھائے گئے۔ یہ سب کچھ ہمارے سامنے ہے جیسے کوئی تصویر ہو۔