Poor Quality Food to UP Police Constable: پولیس اہلکار کو خراب کھانا ملنے کی شکایت پر جانچ کا حکم

ضلع فیروزآباد میں پولیس اہلکار کو مطبخ میں خراب کوالٹی کا کھانا ملنے کے سلسلے میں ایک پولیس اہلکار کی شکایت پر محکمہ جاتی جانچ کا حکم دیا گیا ہے۔ UP Police Orders Probe After Constable Alleges Poor Food Quality

فیروزآباد:اترپردیش کے ضلع فیروز آباد میں تعینات پولیس اہلکار منوج کمار کا بدھ کو ایک ویڈیو سوشل میڈیا پر وائر ل ہوا تھا جس میں انہوں نے پولیس کینٹین میں ملنے والے کھانے کی تھالی لے کر سڑک پر آکر روتے ہوئے بتایا تھا کہ پولیس اہلکار کو ایسا کھانا دیا جاتا ہے جسے جانور بھی کھانا پسند نہیں کریں گے۔ یوپی اسمبلی میں اپوزیشن لیڈر اکھلیش یادو نے بھی اس ویڈیو کا ذکر کرتے ہوئے یوگی حکومت پر تنقید کی۔

پولیس ذرائع کے مطابق ویڈیو سوشل میڈیا پر وائرل ہونے کے بعد ضلع انتظامیہ نے اس معاملے کی جانچ کے احکامات دئیے ہیں۔ اس کی جانچ پولیس محکمے کی سی او سٹی کو سونپی گئی ہے۔ حالانکہ ایک پولیس افسر نے بتایا کہ پولیس لائن میں تعینات شکایت کنندہ منوج کمار کاسابقہ ریکارڈ نظام شکنی کارہا ہے۔ وہ پہلے بھی ا س طرح کی سرگرمیوں میں شامل رہا ہے۔

ویڈیو میں منوج سے سڑپر کھانے کی تھالی دکھا کر روتے ہوئے بتایا کہ اس نے خراب کھانہ دئیے جانے کی شکایت پہلے بھی سینئر سپرنٹنڈنٹ آف پولیس کو کی تھی لیکن کسی نے اس پر دھیا نہیں دیا۔ اس پر طنز کستے ہوئے اکھلیش نے بھی منوج کی شکایتی ویڈیو سوشل میڈیا پر شیئر کی ہے۔

یو این آئی