UP Madrasa Board Result یوپی مدرسہ بورڈ کے نتائج کا اعلان، 84 فیصد طلبہ و طالبات کامیاب

لکھنؤ میں واقع اندرا بھون کے اقلیتی محکمہ کے کانفرنس ہال میں اقلیتی امور کابینہ وزیر دھرم پال سنگھ نے بٹن دبا کر اترپردیش مدرسہ بورڈ کے نتائج پورٹل پر آن لائن جاری کیے۔ اس موقعے پر اقلیتی کے اعلی افسران و مدرسہ بورڈ کے چئیرمین و اراکین بھی موجود رہے۔

لکھنؤ: اترپردیش کے کابینہ وزیر دھرمپال سنگھ نے مدرسہ بورڈ کے نتائج کے اعلان کے بعد پریس کانفرنس سے خطاب کرتے ہوئے کہا کہ مدرسہ کے طلبہ و طالبات کو مرکزی تعلیم سے جوڑنے کے لیے حکومت نے کئی اقدامات کیے ہیں۔ ان میں سے این سی آر ٹی کا نصاب کا نفاذ کرنا، اس کے علاوہ مدرسوں میں کمپیوٹر لیب اور دیگر ساز و سامان فراہم کرنا ہے۔ مدرسہ بورڈ میں تقریبا ایک لاکھ 69796 طلبہ و طالبات کو امتحان کا اہل پایا گیا تھا جس میں سے تقریبا ایک لاکھ 29648 ہزار طلبا و طالبات شامل ہوئے جن میں ایک لاکھ 9527 طلبا و طالبات کامیاب ہوئے ۔ کامیاب طلبا و طالبات کی شرح 84.48فیصد ہے ۔

منشی مولوی (سیکنڈری عربی فارسی) امتحان میں محمد نازل مدرسہ تعلیم الجدید نورخان پور بھدوہی نے ریاست میں پہلا مقام حاصل کیا ہے جبکہ محمد معین مدرسہ جامعہ ذکرا ضلع سیتاپور نے دوسرا مقام حاصل کیا ہے محمد عرفان مدرسہ جامعہ ذکرہ ضلع سیتا پور نے تیسرا مقام حاصل کیا ہے۔عالم سینیئر سیکنڈری( عربی فارسی) امتحان میں چاندنی بانو مدرسہ عثمان احمد پبلک اسکول ضلع فروخ اباد نے پہلا مقامات حاصل کیا ہے۔ سعدیہ فاطمہ مدرسہ علامہ فضل حق خیرابادی میموریل خیراباد ضلع سیتاپور نے دوسرا مقام حاصل کیا ہے جبکہ محمد عزیر مدرسہ علامہ فضل خیرا ابادی میموریل خیراباد ضلع سیتاپور نے تیسرا مقامات حاصل کیا ہے۔

کامل امتحان میں رقیہ بی بی مدرسہ مظہر العلوم ضلع وارانسی نے پہلا مقام حاصل کیا ہے جبکہ ہادیہ خاتون مدرسہ جامعہ الذکرہ نسواں ضلع سیتاپور نے دوسرا مقام حاصل کیا ہے محمد حسین مدرسہ درسگاہ عالیہ اسلامیہ شریف نگر ضلع مراد اباد میں تیسرا مقام حاصل کیا ہے۔ فاضل کے امتحان میں فرحا ناز نے مدرسہ صدیقیہ نسواں اسکول ضلع کانپور نگر میں پہلا مقام حاصل کیا ہے وارشہ ناز مدرسہ صدیقیہ نسواں اسکول ضلع کانپور نگر میں دوسرا مقام حاصل کیا ہے وہیں وسیم احمد مدرسہ دارا دارالہدی یوسف پور ضلع سدھارتھ نگر نے تیسرا مقام حاصل کیا ہے۔

واضح رہے کہ 25 تاریخ کو مدرسہ بورڈ نے اپنے پورٹل پر رزلٹ کا ٹرائل کیا تھا جس پر مدرسہ بورڈ کے رزلٹ کا اعلان ہو چکا تھا جس پر کئی طلبہ و طالبات نے اپنا رزلٹ ڈاؤن لوڈ کیا تھا اس کو کابینہ وزیر دھرم پال سنگھ نے بڑی لاپرواہی بتاتے یہ کہا کہ مدرسہ بورڈ کے جن افسران نے وقت سے قبل ہی رزلٹ کا اعلان کیا تھا ان پر تادیبی کاروائی کی جائے گی۔ اس موقع پر انہوں نے کہا کہ جو بھی طلبہ و طالبات نمایاں کامیابی حاصل کیے ہیں ان کو انعام و اکرام سے بھی نوازا جائے گا۔