مظفر نگر: پرامن اور سخت سکیورٹی کے درمیان پنچایت کے انتخابات مکمل

اترپردیش کے ضلع مظفر نگر میں تین سطحی پنچایتی انتخابات آج پر امن اور سخت سکیورٹی انتظامات کے ساتھ مکمل ہوئے۔ اس دوران حق رائے دہندگان پرجوش نظر آئے اور اور بڑی تعداد میں اپنے ووٹوں کا استعمال کیا۔ انتظامیہ کے اعلیٰ افسران بھی فیلڈ پر موجود رہے۔

مظفر نگر میں پنچایت کے انتخابات کو لے کر ضلع انتظامیہ پوری طرح سے مستعد نظر آیا۔

دیہی علاقوں میں ہونے والے اس پنچایتی انتخابات کو لیکر کافی جوش و خروش دیکھا گیا۔ لوگوں نے بڑھ چڑھ کر اپنے ووٹ کا استعمال کیا۔

انتظامیہ کے ذریعہ سکیورٹی کے سخت انتظامات کئے گئے تھے۔ صبح سے ہی پولنگ بوتھ پر لمبی لمبی قطاریں دیکھی گئی۔ ماسک، سینیٹائزر اور معاشرتی فاصلے کے ساتھ ساتھ ووٹ ڈالے گئے۔

پنچایت انتخابات

ضلع مجسٹریٹ سلواکماری جے اور سینئر سپرنٹنڈنٹ پولیس ابھیشیک یادو کی قیادت میں ضلع مظفر نگر میں پرامن طریقے سے پنچایتی انتخابات مکمل ہوئے۔

کہیں سے بھی تشدد واقعات نہیں ہوئے۔ انتخابات پر امن ہو اس کے لیے پولیس اہلکار کی ایک پوری نفری موجود تھی۔

پنچایت انتخابات

انتظامیہ کے اعلی افسران نے بھی ہر پولنگ بوتھ پر جاکر موقع معائنہ کیا۔ دیہاتی عوام نے بھی اپنے اپنے مسائل کو لے کر اپنے اپنے ووٹوں کا استعمال کیا۔