اترپردیش کے وزیراعلی یوگ آدتیہ ناتھ نے اتوار کو اعلان کیا ہے کہ کووڈ۔19 کی عالمی وبا کی وجہ سے دیگر ریاستوں سے لوٹنے والے 25 لاکھ سے زیادہ مزدوروں کو سوشل سیکورٹی کے ساتھ روزگار مہیا کرانے کے لئے ریاستی حکومت ایک لیبر کمیشن تشکیل دے گی۔
یوگی آدتیہ ناتھ نے یہاں پانچ جنیہ اور آرگنائزر کے ذریعہ منعقد ایک ویبنار میں شرکت کرتے ہوئے یہ اعلان کیا۔
کووڈ۔19 'محتاط سے کامیابی' موضوع پر مبنی اس بحث میں وزیراعلی نے کہا ہے کہ کووڈ۔19 کے بحران کے بعد اترپردیش میں اب تک 22 لاکھ سے زیادہ غیر مقیم مزدورمختلف ریاستوں سے لوٹ چکے ہیں۔
اگلے سات دنوں میٰں تقریبا وہ لوگ بھی لوٹ جائیں گے جو لوٹنے کا ارادہ کرچکے ہیں۔ انہوں نے کہا ہے کہ یہ سبھی مزدور اترپردیش کے رہنے والے ہیں ور ان کے مفاد کی فکر کرنا اترپردیش حکومت کی ذمہ داری ہے۔
ویبنار کا کنڈکٹ پانچ جنیہ کے اڈیٹر ہتیش شنکر نے کیا۔ آرگنائزر کے ایڈیٹر پرفل کیتکر اورپورے ملک کے بیس سے زیادہ سینئر صحافیوں نے اس میں شرکت کی۔
