اس مہم میں یو پی سنی سنٹرل وقف بورڈ میں بھی شجر کاری کی گئی۔
سنی سنٹرل وقف بورڈ کے چیف ایگزیکٹو آفیسر سید محمد شعیب نے ای ٹی وی بھارت سے بات چیت کے دوران بتایا کہ آج کے دن پورے صوبہ میں شجر کاری کی جا رہی ہے ۔
لہذا سنی سنٹرل وقف بورڈ بھی اس مہم میں حکومت کے ساتھ شامل ہے۔
انہوں نے کہا کہ سنی سنٹرل وقف بورڈ میں کچھ درخت لگائے ہیں۔ اس کے ساتھ ہی اتر پردیش کے اوقاف کی خالی زمین پر بھی ہزاروں کی تعداد نے شجر کاری کی گئی ہے۔
اس موقع پر سنی سنٹرل وقف بورڈ کے اعلی افسران کے ساتھ ہی تمام ملازمین میں شرکت کر کے درخت لگانے میں اپنا اہم رول ادا کیا۔
انہوں نے کہا کہ آگے بھی اس طرح کی مہم میں سنی سنٹرل وقف بورڈ حکومت کے ساتھ بڑھ چڑھ کر حصہ لیتا رہے گا۔
معلوم رہے کہ آج بھارت چھوڑو تحریک کے 77 سال پورے ہوگئے ہیں۔ لہذا اسے یادگار بنانے کے لیے یوپی حکومت نے بڑے پیمانے پر شجرکاری کرنے کا اعلان کیا تھا۔