کسانوں کے ساتھ وزیر اعلی کی میٹنگ، گنے کی قمیت میں اضافے کا امکان

اترپردیش حکومت کسانوں کے مسائل پر پوری طریقے سے سنجیدہ ہے، گزشتہ چار برس میں گنے کی قیمت میں اضافہ نہیں ہوا جس کو لے کر آج وزیر اعلی نے گنے کی قیمت میں اضافہ کرنے پر رضامندی ظاہر کی ہے۔

اتر پردیش کے وزیر اعلی یوگی آدتیہ ناتھ نے لکھنؤ کے کالی داس مارگ پر واقع اپنی سرکاری رہائش گاہ پر آج کسانوں کے ساتھ اہم میٹنگ کی جس میں کسانوں کے سبھی مسائل پر گفتگو کی۔ میٹنگ میں گنا، بجلی اور فصل کی خریداری پر بھی کسانوں کو راحت دینے کی بات کہی ہے۔

اس میٹنگ میں شامل بی جے پی کسان مورچہ کے ریاستی صدر کامیشور سنگھ نے ای ٹی وی بھارت سے خاص بات چیت کی۔ اس دوران انہوں نے کہاکہ ااترپردیش حکومت کسانوں کے مسائل پر پوری طریقے سے سنجیدہ ہے، گزشتہ چار برس میں گنے کی قیمت میں اضافہ نہیں ہوا جس کو لے کر آج وزیر اعلی نے گنے کی قیمت میں اضافہ کرنے پر رضامندی ظاہر کی ہے، ساتھ ہی کسانوں پر فصل کے باقیات جلانے پر درج کیے گئے مقدمات کو بھی واپس لینے کے لیے کہا ہے۔

کسانوں کے ساتھ وزیر اعلی کی میٹنگ، گنے کی قمیت میں اضافے کا امکان

سستی قیمت پر بجلی پانی بھی فراہم کرنے کی یقین دہانی کرائی ہے ساتھ ہی دھان کے فصل کی ایم ایس پی ریٹ پر خریداری کی بھی بات کی ہے۔ انہوں نے کہاکہ اتر پردیش حکومت نے گزشتہ چار برسوں میں ایم ایس پی میں ڈیڑھ گنا اضافہ کیا ہے اور ریکارڈ توڑنا گنے کی رقم کی ادائیگی کی ہے، اور آئندہ 2022 کے اسمبلی انتخابات میں بھی بی جے پی کے انتخابی منشور میں کسانوں کے مسائل شامل کیے جائیں گے'۔