اترپردیش کے وزیر اعلیٰ یوگی آدتیہ ناتھ رامپور کے بلاسپور پہنچے جہاں انہوں نےجلسہ عام سے خطاب کرتے ہوئے کہا کہ بی جے پی کی ڈبل انجن والی حکومت نے غریبوں کو لینڈ مافیا سے نجات دلانے کا کام کیا ہے۔ یہی نہیں لینڈ مافیا کی اینٹھن بھی ختم کر دی گئی ہے۔ انہوں نے کہا کہ بغیر کسی تفریق کے ترقیاتی کام ڈبل انجن کی حکومت کر رہی ہے۔ Yogi Adihyanath Criticize Azam Khan
رامپور میں لوک سبھا سیٹ پر ضمنی انتخاب 23 جون کو ہونا ہے۔ اس سیٹ کو جیتنے کے لیے بی جے پی اور ایس پی اپنی پوری طاقت لگا رہی ہے۔ اسی سلسلے میں اترپردیش کے وزیر اعلیٰ یوگی آدتیہ ناتھ منگل کے روز رامپور کے بلاس پور پہنچے۔ یہاں انہوں نے ایک انتخابی ریلی سے خطاب کیا۔ اس دوران وزیراعلی یوگی نے کہا کہ رام پور کی اپنی وراثت ہے، لیکن کچھ لوگ رامپور کی وراثت کو تباہ کرنے کی کوشش کرتے تھے۔ اگر کسی نے اس کی شناخت ختم کرنے کی کوشش کی تو عوام اسے سبق سکھانا بھی جانتے ہیں۔جلسہ عام میں یوگی نے کہا کہ بی جے پی کی ڈبل انجن والی حکومت نے غریبوں کو لینڈ مافیا سے نجات دلانے کا کام کیا ہے۔ یہی نہیں لینڈ مافیا کی اینٹھن بھی ختم کر دی گئی ہے۔