پرانی پینشن بحالی کے لئے ٹیچرز کا احتجاج

پرانی پینشن بحالی، پریرنا ایپ کی مخالفت سمیت 21 نکاتی مطالبات کو لیکر بیسک اسکول کے ٹیچرز نے ضلع ہیڈ کوارٹر پر احتجاج کیا. بیسک اسکول کے ٹیچر انہیں مطالبات کو لیکر گزشتہ کئی ماہ سے احتجاج پر ہیں. ٹیچرز نے انتباہ دیا ہے کہ جب تک ان کے مطالبات پر غور نہیں کیا جاتا، ان کا احتجاج جاری رہے گا۔

اتر پردیش کے بارہ بنکی کے گنا دفتر میں اتر پردیش کے پراتھمک ٹیچر سنگھ کے زیر اہتمام ہوئے احتجاج میں خراب موسم کے باوجود بڑی تعداد میں ٹیچرز نے شرکت کی.

ٹیچرس کا الزام ہے کہ پینشن ختم کر کے اور پریرنا جیسے ایپ لا کر تعلیمی نظام کو درہم برہم کرنے کی کوشش کی جا رہی ہے.

ٹیچرس اس سے قبل 28 نومبر کو بلاک سطح پر احتجاج کر چکے ہیں. اس کے بعد 17 جنوری کو وہ لکھنؤ میں اور اس کے بعد دہلی میں جنتر منتر پران مطالبات کو لیکر احتجاج کریں گے.

ٹیچرس نے انتباہ کیا ہے کہ جب تک ان کے مطالبات پر غور نہیں کیا جاتا تب تک ان کا احتجاج جاری رہے گا۔