پردھان نے بیوی کا کیا قتل

لکھنو میں گھریلو جھگڑے کے بعد ایک شخص نے اپنی بیوی کا قتل کردیا۔ اس جھگڑے میں بیٹی بھی شدید طور پر زخمی ہو گئی ہے۔

اترپردیش کے بہرائچ کے پولیس کپتان ڈاکٹر وپن کمار مشرا کے مطابق گذشتہ رات تھانہ روپیڈیہا کے تحت گاؤں کنگاپور میں رویش کمار پانڈے ابن آنجہانی بلدیو پرساد پانڈے نے اپنی بیوی کسم پانڈے (عمر 38 سال) کو گولی مار کر ہلاک کر دیا۔

شوہر اور بیوی کے درمیان اکثر وبیشتر جھگڑے ہو تے تھے ۔لیکن اس مرتبہ کہا سنی اتنی بڑھی کی شوہر نے اپنی لائسینسی ڈبل بیرل بندوق کی گولی بیوی کو داغ دی۔

جس کے سبب بیوی موقع پر ہی ہلاک ہو گئی۔ میاں بیوی کے اس تصادم میں ان کی 14سالہ بیٹی خوشی بھی شدید طور پر زخمی ہو گئی ۔ لڑکی کو بہرائچ میڈیکل کالج میں داخل کرایا گیا جہاں ان کی حالت تشویشناک بتائی گئی ہے ۔حالات خراب ہونے پر فوراً لکھنؤ ٹراما سینٹر منتقل کیا گیا۔

شوہر نے بیوی کا کیا قتل، بیٹی زخمی، شوہر گرفتار

ملزم رویش کمار پانڈے گاؤں کا پردھان ہے جس نے قتل میں اپنے بھائی مکیش پانڈے کی لائسنس گن کا استعمال کیا تھا ۔ رویش پانڈے کے ساتھ تحویل میں لیا گیا ہے۔

ان کے خلاف 114/20 دفعہ 307 ، 302 I.P.C کے تحت قانونی چارہ جوئی کی جا رہی ہے۔ لاش کو پولیس قبضہ میں لے کر پوسٹ مارٹم کے لئے روانہ کر دیا ہے -

مقتول کی دو بیٹی اور ایک بیٹا ہے جس میں ایک بیٹی لکھنؤ ٹروما سینٹر میں زیرِ علاج ہے وہیں دو بچے اپنے والد کی اس کرتوت سے خوف زدہ ہیں، ان کے سر سے ماں کا سایہ آٹھ چکا ہے-