پروفیسر محمد حنیف بیگ لائف ٹائم اچیومنٹ ایوارڈ سے سرفراز

علی گڑھ مسلم یونیورسٹی (اے ایم یو) کے سابق پرو وائس چانسلر پروفیسر محمد حنیف بیگ کو کارڈیو تھوریسک سرجری کے شعبہ میں ان کی گرانقدر خدمات کے لیے کارڈ یوتھوریسک اینڈ ویسکولر سرجنس پروگریسیو ویلفیئر ایسوسی ایشن آترپردیش نے لائف ٹائم اچیومنٹ ایوارڈ سے نوازا ہے۔

علی گڑھ مسلم یونیورسٹی کے سابق پرو وائس چانسلر پروفیسر محمد حنیف بیگ کو کارڈیو تھوریسک اینڈ ویسکولر سرجنس پروگریسیو ویلفیئر ایسوسی ایشن اترپردیش نے لائف ٹائم ا چیومنٹ ایوارڈ سے سرفراز کیا ہے۔ انہیں یہ ایوارڈ حال ہی میں لکھنؤ میں منعقدہ اپنی دوسری سالانہ کانفرنس میں دیا۔

پروفیسر محمد حنیف بیگ کو لائف ٹائم اچیومنٹ ایوارڈ سے نوازا گیا

اس موقع پر کانفرنس کے مہمان خصوصی اٹل بہاری واجپئی میڈیکل یونیورسٹی کے وائس چانسلر پروفیسر آر کے سنگھ نے پروفیسر بیگ کی خدمات کا ذکر کرتے ہوئے کہا کہ انہوں نے اے ایم یو کی جے این میڈیکل کالج میں کارڈیو تھوریسک سرجری شعبہ کا قیام کیا اور ان کے کاوشوں سے شعبہ نے مسلسل ترقی کی۔ ایسوسی ایشن کے سیکرٹری پروفیسر ڈی کے شر یواستو نے بھی پروفیسر بیگ کی حصولیابیوں کا ذکر کیا۔اے ایم یو وائس چانسلر پروفیسر طارق منصور نے پروفیسر محمد حنیف بیگ کو اس ایوارڈ کے لیے مبارکباد پیش کی ہے۔