اناؤ ریپب کیس، 3 سکیورٹی اہلکار برطرف

اناؤ ریپ متاثرہ کی سکیورٹی میں تعینات تین پولیس عہدیداروں کو برطرف کردیا گیا۔

سپریم کورٹ کی جانب سے اناؤ ریپ متاثرہ کی سیکوریٹی کو لیکر سخت تشویش کا اظہار کیا تھا جس کے بعد اترپردیش حکومت نے حرکت میں آتے ہوئے دو خواتین کانسٹبل کے منجملہ تین اہلکاروں کو برطرف کردیا۔
سپرنٹنڈنٹ آف پولیس ایم پی ورما نے برطرف شدہ اہلکاروں کا نام بتائے بغیر تین رکنی سیکوریٹی عملہ کو برطرف کئے جانے کا اعلان کیا۔
واضح رہے کہ ضلع کانپور میں واقع اناؤ گینگ ریپ متاثرہ کی ماں اور چاچی ایک سڑک حادثے میں ہلاک ہوگئے جبکہ متاثرہ اپنے چاچا سے ملنے رائے بریلی جیل جا رہی تھی۔ اس سڑک حادثہ میں ریپ متاثرہ بھی شدید زخمی ہوگئی۔
ریاست اتر پردیش کے ضلع کانپور میں واقع اناؤ کے گینگ ریپ متاثرین کے چاچا مہیش سنگھ رائے بریلی جیل میں بند ہیں۔ ان سے ملاقات کے لیے متاثرہ، اس کی ماں، چاچی اور وکیل مہندر سنگھ رائے بریلی جیل جا رہے تھے کہ راستے میں گروبکھش گنج کے قریب ایک ٹرک نے ان کی کار کو ٹکر دیدی۔
سڑک حادثہ میں متاثرہ کی والدہ اور اس کے چاچی ہلاک ہو گئے، جب کہ ریپ متاثرہ اور ان کے وکیل مہندر سنگھ شدید زخمی ہو گئے ہیں اور ان کا علاج جاری ہے۔
آج اناؤ گینگ ریپ کیس میں ایک نیا موڑ آگیا جبکہ سپریم کورٹ نے اس سلسلہ میں تمام مقدمات کو اترپردیش سے دہلی منتقل کرنے کا حکم دیا ہے۔
سپریم کورٹ نے آج اس معاملہ میں سخت رخ اپناتے ہوئے تمام پانچ کیس کو سی بی آئی کی اترپردیش عدالت سے دہلی کو منتقل کرنے کا حکم دیا۔
اعلیٰ عدالت نے اس کیس کو حل کرنے کےلیے صرف 45 دن کا وقت دیا ہے۔
چیف جسٹس رنجن گوگوئی کی صدارت والی بنچ نے اناؤ گینگ ریپ کیس کو دہلی منتقل کرتے ہوئے اس کیس پر روزانہ سماعت کرتے ہوئے صرف 45 دنوں میں فیصلہ سنانے کا متعلقہ جج کو حکم دیا ہے۔