بارہ بنکی: وکاس بھون میں آبی تحفظ کے لئے منفرد پہل

بارہ بنکی کے وکاس بھون میں آبی تحفظ کے لئے منفرد پہل کی گئی ہے۔ وکاس بھون میں بارش کے پانی کو گراؤنڈ واٹر لیول تک لے جانے کے لئے ایک پلانٹ تیار کیا جا رہا ہے۔

ریاست اتر پردیش کے ضلع بارہ بنکی وکاس بھون میں بارش کے پانی کو گراؤنڈ واٹر لیول تک لے جانے کے لئے ایک پلانٹ تیار کیا جا رہا ہے۔ اس پلانٹ سے پانی کو فلٹر کر کے سیدھے آبی سطح میں اتار دیا جائے گا۔ اس نئے طریقے کو انجیکشن میتھڈ کہا جاتا ہے۔

اس سلسلے میں بارہ بنکی کے سی ڈی او میدھا روپم نے کہا کہ انجیکشن میتھڈ میں بارش کے پانی کو آبی سطح تک لے جانے کی جدید ٹیکنالوبی ہے۔

انہوں نے کہا کہ اس میں وکاس بھون کے تمام بارش کا پانی متعدد پائیپ کے ذریعے پہلے ایک ٹینک میں جائے گا، جہاں اس کو فلٹر کیا جائے گا۔اس کے بعد سے دوسرے ٹینک میں اتارا جائے گا۔

انہوں نے کہا کہ یہاں پروسیس کر کے اسے سیدھے ایک پائیپ کے ذریعہ آبی سطح میں اتار دیا جائے گا۔ اس نئے ٹکنالوجی کو صرف وکاس بھون میں 528 کیوبیک میٹر پانی سالانہ آبی سطح میں اتارا جائے گا۔

بارہ بنکی میں اوستاً 7.8 میٹر آبی سطح ہے اور یہ 60 سینٹی میٹر سالانہ کے حصاب سے نیچے جا رہی ہے۔

انہوں نے مزید کہا کہ آبی سطح کا تیزی سے نیچے جانا تشویش ناک ہے، اس لئے انتظامیہ کی اپیل ہے کہ عوام بھی اس سمت آگے آئے اور آبی تحفظ کے لئے کام کریں۔