جمال پور ہمدرد نگر ڈی میں ڈاکٹر ایس یو خان اپنے گھر سے اپنی اہلیہ کے ساتھ اسکوٹی سے اسپتال جارہے تھے، اسی دوران سامنے سے آٹا لے کر آرہے ٹیمپوں نے اسکوٹی میں ٹکرماردی۔
جس پر ڈاکٹر نے اعتراض جتایا تو ٹیمپوں میں سوار ملزم، جس کا نام اکرم بتایا جا رہا ہے نے ڈاکٹر سے بد سلوکی کی اور نزدیک میں اپنے گھر گیا۔ اپنے بھائی اور دیگر خاندان والوں کو لے کر موقع پر پہنچا اور ہوائی فائرنگ کرتے ہوئے ڈاکٹر کے سر میں بٹ مار کر زخمی کیا۔
اسی دوران ڈاکٹر کے چھوٹا بیٹا ہاتھ میں گولی لگنے سے زخمی ہوگیا۔ ملزم اکرم (ٹپپا) موقع پر پولیس کے پہنچنے سے قبل ہی فرار ہو گیا۔ پولیس نے زخمی ڈاکٹر اور اس کے بیٹے کو جواہر لعل نہرو میڈیکل کالج علاج کے لئے داخل کرایا۔
انل ثمانیہ (سی او) سول لائن نے بتایا ڈاکٹر ایس یو خان اپنی اہلیہ کو لے کر اسپتال جا رہے تھے، سامنے سے اکرم (ٹپپا) نام کا لڑکا آٹا بھر کر جارہا تھا جو ان کی بائیک سے ٹکرایا۔ اس بات کو لے کر دونوں میں لڑائی ہوئی، اکرم (ٹپپا) اپنے گھر سے بھائی کو بلاکر لایا اور فائرنگ کردی جس میں ڈاکٹر خان کے بیٹے کے ہاتھ میں لگی اور ڈاکٹر کے سر پر طمنچے کی بٹ سے حملہ کیا۔
اس معاملے میں دفعہ 307 کے تحت مقدمہ درج کر کے تفتیش کی جارہی ہے۔
