مڈے۔میل بناتے وقت آتشزدگی، پانچ جھلسے

اترپردیش کے ضلع وارانسی کے بڑا گاؤں علاقے میں پرائمری اسکول میں’مڈے میل‘ بناتے وقت گیس رساؤ کی وجہ سے لگی آگ میں دو بچوں سمیت تین خواتین جھلس کر زخمی ہوگئیں۔

پولیس ذرائع نے بتایا کہ یہ کروما گاؤں واقع پرائمری اسکول احاطے میں اس وقت پیش آیا جب روٹی بناتے وقت گیس کی رساؤ کی وجہ سے آگ لگ گئی۔ اس حادثے میں وشال اور آشو کے علاوہ کھانا پکارہی مینادیوی، امرواوتی دیوی اور کماری دیوی شدید طور سے جھلس گئیں۔

انہوں نے بتایا کہ حادثے کے بعد اسکول میں افراتفری مچ گئی۔ سبھی زخمیوں کو علاج کے لئے ایک پرائیویٹ اسپتال میں داخل کرایا گیا ہے۔بری طرح سے زخمی وشال اور مینا کو ابتدائی علاج کے بعد شیو پرساد استپال میں ریفر کردیا گیا ہے۔