میرٹھ: پولیس انکاؤنٹر میں دو ہلاک

مغربی اترپردیش میں جرائم پیشہ افراد کے خلاف پولیس انکاؤنٹر کا سلسلہ جاری ہے۔ میرٹھ پولیس اور جرائم پیشہ افراد میں تصادم کے دوران دو لوگ ہلاک ہو گئے۔

اے ڈی جی پرشانت کمار کا کہنا ہے کہ 'ان لوگوں کی شناخت شکیل اور بھورے کے طور پر ہوئی ہے جو میرٹھ کے رہنے والے تھے۔'

انہوں نے کہا کہ 'دو روز قبل میرٹھ روڑکی روڈ پر لاکھوں کی لوٹ ہوئی تھی جس میں تین لوگوں کو گرفتار کیا گیا تھا جبکہ دو لوگ فرار ہو گئے تھے جن سے پولیس کا تصادم ہوا اور پولیس کی گولی لگنے سے دونوں ہلاک ہوگئے۔'

اے ڈی جی پرشانت کمار نے یہ بھی بتایا کہ 'بھورے، منوج نامی شخص کو پریشان کرتا تھا جس کی وجہ سے وہ اپنا گھر چھوڑ کر کرائے کے مکان میں رہتا تھا۔'

انہوں نے میڈیا کو بتایا کہ 'پولیس کی یہ بڑی کامیابی ہے لیکن اس دوران دو پولیس اہلکار بھی زخمی ہوئے ہیں جو اس وقت زیرعلاج ہیں۔'