Two Devotees Died in Mathura بانکے بہاری مندر میں بھیڑ کے سبب دم گھٹنے سے دو کی موت

متھرا میں کرشن جنم اشٹمی کے موقع پر ورنداون کے مشہور بانکے بہاری مندر میں دو عقیدت مندوں کی دم گھٹنے سے موت ہو گئی۔ Two die during Janmashtami celebrations

متھرا: ریاست اترپردیش میں ضلع متھرا کے ورنداون واقع بانکے بہاری مندر میں شری کرشن جنم اشٹمی کے موقع پر سال میں ایک بار ہونے والی منگلا آرتی میں شامل ہونے کے لئے زبردست بھیڑ جمع ہونے سے ہفتہ کی رات دم گھٹنے سے دو لوگوں کی موت ہو گئی۔ اس دردناک حادثے میں کم از کم سات عقیدت مندوں کے زخمی ہونے کی بھی اطلاع ہے۔ Two die during Janmashtami celebrations in Mathura

مقامی انتظامیہ کے ذرائع نے آج بتایا کہ یہ دردناک واقعہ شری کرشن جنم اشٹمی کے موقع پر بانکے بہاری مندر میں ہونے والی منگلا آرتی کے دوران پیش آیا۔ کچھ عقیدت مندوں نے زیادہ بھیڑ کی وجہ سے دم گھٹنے کی شکایت کی۔ جس کی وجہ سے 2 عقیدت مندوں کی موت ہوگئی، جب کہ 7 افراد کی طبیعت بگڑنے پر قریبی اسپتالوں میں داخل کرایا گیا ہے۔ حادثے میں 99 سالہ خاتون نرملا دیوی ساکن رکمنی بہار ورنداون اور 65 سالہ رام پرساد وشوکرما کی موت ہوگئی۔ رام پرساد وشوکرما ریاست مدھیہ پردیش کے بتائے جا رہے ہیں۔

قابل ذکر ہے کہ کرشن جنم اشٹمی کے تہوار پر منگلا آرتی مندر میں کرشن کی پیدائش کے بعد سال میں صرف ایک بار کی جاتی ہے۔ اس میں شرکت کے لیے جمعہ کی رات سے ہی مندر میں ایک بڑی بھیڑ جمع ہوئی تھی۔ اس دوران مندر میں تعینات پولیس فورس بھی بھیڑ کے سامنے بے بس نظر آئی۔ ذرائع کے مطابق حادثے کے وقت مندر میں ضلعی انتظامیہ کے اعلیٰ افسران بھی موجود تھے۔

یو این آئی