ایٹہ: گڑھے کے پانی میں ڈوبنے سے دو بچوں کی موت

ریاست اترپردیش کے ضلع ایٹہ کے دیہات کوتوالی علاقے میں بارش کے پانی سے بھرے گڈھے میں ڈوب کر دو بچوں کی موت ہوگئی۔

پولیس ذرائع نے ہفتہ کو یہاں بتایا کہ دیہات کوتوالی علاقے کے نرہرا گاؤں باشندہ نتیش(15)اور راہل(14)جمعہ کی شام کو مویشی چرانے گئے تھے۔

اس درمیان دونوں بارش کے پانی بھرے گڈھے کے کنارے کھڑے تھے کہ اچانک ان کاپیر پھسل گیا۔

دونوں اس میں ڈوب گئے۔

مقامی افراد نے بڑی مشقت کے بعد دونوں کو باہر نکالا لیکن تب تک ان کی موت ہوچکی تھی۔

مقامی افراد کا الزام ہے کہ ریلوے کے ٹھیکدار نے مٹی کھدائی تھی جس کے بعد وہاں کافی گہرا گڈھا ہوگیا تھا اور اسے برابر نہیں کیا۔

لاشیں پوسٹ مارٹم کے لئے بھیج دی گئی ہیں۔