بجنور: دو مویشی اسمگلر گرفتار

بجنور میں مخبر کی اطلاع پر پولیس نے غیرقانونی طور پر گوشت کا کاروبار کرنے والے دو مویشی اسمگلروں کو گرفتار کرکے ان کے پاس سے کثیر تعداد میں گوشت برآمد کیا ہے-

ریاست اترپردیش کے بجنور ضلع کے تھانہ نہٹور علاقے میں پولیس کو ملی مخبر کی اطلاع پر کچھ مویشی اسمگلر غیر قانونی طور پر متعدد جانوروں کو کاٹ رہے تھے کہ اسی دوران پولیس نے چھاپے ماری کے وقت دو مویشی اسمگلروں کوگرفتار کرلیا ۔

ان کے پاس سے 200 کنٹل گوشت برآمد ہوا ہے ۔ پولیس نے مجموعی طور پر دس مویشی اسمگلروں کے خلاف مقدمہ درج کرکے مفرور مجرموں کی تلاش شروع کردی ہے، گرفتار کیے گئے مویشی اسمگلروں کے پاس جانور کاٹنے کے اوزار بھی برآمد ہوئے ہیں ۔