Darbhanga Blast Case: شاملی سے دو افراد گرفتار

بہار کے دربھنگہ ریلوے اسٹیشن پر گزشتہ 17 جون کو ہونے والے دھماکے کا کنکشن اب اتر پردیش کے کیرانہ کے ساتھ بھی مبینہ جڑتا ہوا نظر آرہا ہے۔

دربھنگہ دھماکہ کیس میں این آئی اے نے اتر پردیش کے ضلع شاملی کے کیرانہ سے مزید دو افراد کو گرفتار کیا ہے۔ تفتیش میں انکشاف ہوا ہے کہ دربھنگہ دھماکے کے بعد عمران اور ناصر نے پاکستان میں آئی ایس آئی کے ایجنٹ عمران کانا کو تصاویر بھیجی تھی۔

بہار کے دربھنگہ ریلوے اسٹیشن پر گزشتہ 17 جون کو ہونے والے دھماکے کا کنکشن اب اتر پردیش کے کیرانہ کے ساتھ بھی مبینہ جڑتا ہوا نظر آرہا ہے۔ این آئی اے نے پکڑے گئے کیرانہ کے عمران اور ناصر کی انپٹس پر شاملی پولیس کی مدد سے حاجی سلیم اور کفیل احمد کو بھی جمعہ کے روز گرفتار کیا تھا۔ اس معاملے کو لے کر این آئی اے ملزموں سے پوچھ گچھ کر رہی ہے۔

گرفتار ناصر اور عمران سے پولیس تفتیش میں سامنے آیا ہے کہ 'ان کے رابطے میں کیرانہ کے بہت سے نوجوان ہیں۔ پولیس نے سبھی کی نگرانی شروع کردی ہے۔ ان میں حاجی سلیم اور کفیل احمد بھی شامل تھے۔'

ایس پی شاملی کا کہنا ہے کہ 'عمران اور ناصر کے ساتھ رابطے میں آنے والے ہر شخص کی سرگرمیوں پر نظر رکھی جارہی ہے۔ جلد ہی مزید لوگوں کو بھی گرفتار کیا جاسکتا ہے۔'