جعلی نوٹ چھاپنے کے الزام میں دو گرفتار

لکھنؤ میں پولیس نے پیر کو عالم باغ علاقے سے جعلی نوٹوں کا کاروبارکرنے والے گروہ کے دو اراکین کو گرفتار کر کے ان کے قبضے سے ہزاروں کی تعداد میں چھاپے گئے جعلی نوٹ اور آلات برآمد کئے ہیں۔

ایس پی(شہر) سریش چندر راوت نے پیر کو یہاں بتایا کہ عالم باغ اور سائبرسیل کی ٹیم نے مشترکہ طور سے کاروائی کرتے ہوئے جعلی نوٹوں کا کاروبار کرنے والے گروہ کے دو اراکین رائے بریلی باشندہ رام کمل یادو اور لکھنؤ باشندہ ستیش پانڈے کو گرفتار کیا گیا ہے۔

انہوں نے بتایا کہ دونوں کے قبضے سے 21 ہزار 750 روپئے کے جعلی نوٹ برآمد کئے گئے ہیں۔ ساتھ ہی ان کے کمرے سے نوٹ چھاپنے کے لیے موجود اسکینر،کاغذ اور دیگر آلات برآمد کئے گئے ہیں۔

مسٹر راوت نے بتایا کہ رام کمل یادو نے پوچھ گچھ میں بتایا کہ اس سے پہلے وہ اپنے ساتھی راگھویندر کے ساتھ مل کر جعلی نوٹ کا کاروبار کرتا تھا۔

اسے اسی معاملے میں وبھوتی کھنڈ پولیس نے گرفتار کر کے جیل بھیجا تھا۔ گرفتار شدہ ملزموں کو جیل بھیج دیا گیا ہے۔