اے ایم یو کے دو طلبا مضمون نویسی کے مقابلے میں اول

علی گڑھ مسلم یونیورسٹی (اے ایم یو) کے فیکلٹی آف لاء کے دو طلباء نے جھارکھنڈ میں منعقدہ مضمون نویسی مقابلے میں اول انعام حاصل کیا۔

ریاست اتر پردیش میں واقع علی گڑھ مسلم یونیورسیٹی کے فیکلٹی آف لاء کے طالب علم محمد حیدر اور ادیب الدین احمد نے نیشنل لاء اسکول، رانچی اور آئی بی آئی اے (جھارکھنڈ) کی جانب سے منعقدہ مضمون نویسی مقابلے میں پہلا مقام حاصل کیا ہے۔

اے ایم یو کے دو طلبہ نے مضمون نویسی مقابلے میں اول انعام حاصل کیا۔

جس کے بعد لاء آف فیکلٹی کے ڈین پروفیسر شکیل احمد صمدانی نے اپنے طلبہ کی کامیابی پر انہیں مبارکباد دیتے ہوئے کہا کہ طلباء کو پڑھائی کے ساتھ ساتھ مضمون نویسی، ڈبیٹ، موٹ کورٹ اور دیگر مقابلوں میں بھی حصہ لینا چاہیے۔

اس طرح کے مقابلوں میں حصہ لینے سے حوصلہ بلند ہوتا ہے اور آپس میں مثبت مقابلے کا ماحول بھی پیدا ہوتا ہے۔