پرتاپ گڑھ: اترپردیش کے ضلع پرتاپ گڑھ کے ہتھگنواں علاقے میں پولیس نے اتوار کو ایک مسلح مڈبھیڑ کے بعد 25 ہزار روپئے کے انعامی بدمعاش کو ہتھیار اور گولی بارود سمیت گرفتار کیا ہے۔Reward Miscreant Arrested in Pratapgarh
پولیس ذرائع نے بتایا کہ ایک اطلاع کی بنیاد پر پولیس نے رات تقریباً ڈیڑھ بجے بچھندا مئو سے سنیاواں کی طرف مزرعہ چھچھلیا پلیا کے نزدیک گھیرا بندی کی اور وہاں سے گذر رہے ٹاپ۔10ہسٹری شیٹر اور 25000 روپے کے انعامی بدمعاش ننکا یادو عرف رام سنگھ کو روکنے کی کوشش کی۔ ملزمین نے پولیس ٹیم پر فائرنگ کرتے ہوئے فرار ہونے کی کوشش کی۔ جوابی کاروائی میں اس کے پیر میں گولی لگی جس کے بعد پولیس نے اسے گرفتار کرلیا۔