Tufani Gang In Police Net طوفانی گروہ کے شاطر اراکین پولیس کی گرفت میں

نوئیڈا پولیس کمشنریٹ کے سیکٹر 39 تھانے نے ایسے ہی ایک گینگ کا پردہ فاش کیا ہے۔ یہ گینگ صرف سی سی ٹی وی کیمروں کی بیٹریاں چوری کرتا تھا۔ نوئیڈا میں سرگرم اس گینگ کو طوفانی گینگ کے نام سے جانا جاتا ہے۔

نوئیڈا: مجرموں اور مشتبہ لوگوں پر نظر رکھنے کے لیے نوئیڈا اور گریٹر نوئیڈا کے چوراہوں پر نصب سی سی ٹی وی کیمروں کو چلانے کے لیے نصب بیٹریاں اب چوروں کے نشانے پر ہیں۔ نوئیڈا میں سی سی ٹی وی کیمروں کی بیٹریاں چوری کرنے والا ایک پورا گروہ سرگرم ہے۔

نوئیڈا پولس اسٹیشن سیکٹر-39 نے آج ایکسپریس ویز اور دیگر شاہراہوں اور چوراہوں پر نصب سی سی ٹی وی کیمروں کی بیٹریاں چوری کرنے میں ملوث گروہ کے ارکان راجکمار ولد سوریہ پنچرتنا کشواہا، طوفانی گپتا، ، بابینا گپتا، سندیپ گنسیلا ولد پریم پرساد گنسیلا اور رام سنگھ ولد مہ سنگھ کو انڈر پاس کے قریب سیکٹر 96 سے گرفتار کیا ہے۔ ان چوروں کے قبضے سے 54 بیٹریاں، تین غیر قانونی چاقو، ایک غیر قانونی پستول، 2 کارتوس، ایک ٹاٹا ایس گاڑی، ایک ای رکشہ، ایک الیکٹرک اسکوٹی، ایک پلاس اور 2 اسکریو ڈرائیور برآمد ہوئے ہیں۔

اس طرح وہ جرائم کرتے تھے:

آپ کو بتاتے چلیں کہ طوفانی گینگ کا نام گینگ کے ممبر طوفانی گپتا کے نام پر رکھا گیا ہے۔ طوفانی گینگ کے پکڑے گئے ملزمان ٹاٹا ایس اور ای رکشا میں سوار ہوتے تھے اور رات اور صبح نوئیڈا (گوتم بدھ نگر ضلع) میں ایکسپریس وے اور دیگر شاہراہوں اور چوراہوں پر نصب سی سی ٹی وی کیمروں کی بیٹریاں چوری کرتے تھے۔انہیں کباڑیوں کو فروخت کرتے تھے۔

یہ گینگ کے ارکان دن کے وقت ای رکشا میں سوار ہوکر سی سی ٹی وی کیمروں کی جگہوں کا پتہ لگاتے تھے اور رات کے وقت سی سی ٹی وی کیمروں کی بیٹریاں صاف کرتے تھے۔