مٹی کے فن کو فروغ دینے کی کوشش

کلکٹریٹ آڈیٹوریم میں مٹی کے فن سے منسلک کارکنوں کے ساتھ مٹی کلا بورڈ کے چیئرمین دھرم ویر پرجا پتی نے ملاقات کی۔

پرجا پتی نے کہا کہ 'اترپردیش کی حکومت مٹی کے برتن بنانے والے فن کو آگے بڑھانے کے لیے سنجیدہ ہے۔'

ریاست میں مٹی سے بنے برتنوں کا استعمال کرتے ہوئے ہم اپنی صحت اور ماحولیات کو آلودگی سے پاک کرنے میں اہم کردار ادا کر سکتupے ہیں۔'

انہوں نے کہا کہ 'مٹی کے فن سے منسلک کارکنوں کی نشاندہی کرتے ہوئے ان کے روزگار کو فروغ دینے کی ضرورت ہے۔ جس سے عام لوگوں کو مٹی کے برتنوں کی افادیت اور فوائد کی معلومات آسانی سے حاصل ہو اور مٹی سے بنے برتنوں کا زیادہ سے زیادہ استعمال ہو سکے۔'

انہوں نے کہا کہ 'یہ پروگرام اتر پردیش کی حکومت کا اہم پروگرام ہے۔ جس سے عام لوگ اور آنے والی نسل کو صاف پانی، اچھی صحت، آلودگی سے پاک ماحول کی سوغات دے کر، مٹی کے فن سے وابستہ کارکنوں کو روزگار کے مواقع فراہم کر سکیں۔'