'بابری مسجد فیصلے پر ملک میں امن وامان قائم رہنا ضروری'

مسلم پرسنل لاء بورڈ کے رکن و لکھنؤ عیدگاہ کے امام مولانا خالد رشید فرنگی محلی نے ایک ویڈیو جاری کرکے عوام سے اپیل کی ہے کہ میڈیا کے ذریعے معلوم ہوا ہے کہ کل سپریم کورٹ کا فیصلہ آنے والا ہے۔

انہوں نے کہا کہ اس لیے سماج کے تمام طبقے کے لوگوں کو سمجھداری سے کام لینا ہے اور امن وامان ہر حال میں قائم کرنا ہے یہ ہم سب کی ذمہ داری ہے اور فریضہ بھی۔

لہذا آپ کی ذمہ داری بنتی ہے کہ فیصلے کے بعد ملک میں امن وامان قائم رہنا چاہیے۔

مولانا خالد رشید نے کہا کہ فیصلہ چاہے جس کے بھی حق میں آئے کسی کو جشن منانے کی ضرورت نہیں ہے اور نہ ہی کوئی احتجاج کرے۔

اس کے علاوہ کسی بھی شخص کو سوشل میڈیا پر کوئی بھی غلط پوسٹ نہیں کرنا چاہئے کیونکہ اس سے پریشانی ہو سکتی ہے۔

ہمیں اپنی ذمہ داری ادا کرنی ہوگی تاکہ سماج میں، ملک میں بھائی چارہ بنا رہے اور گنگا جمنی تہذیب قائم رہے۔