Road Acccident In Sultanpur: ٹرک نے اے آر ٹی او ٹیم کے دو ارکان کو کچل دیا

سلطان پور میں لکھنؤ بلیا ہائی وے پر آج صبح اے آر ٹی او کی ٹیم کو ٹرک ڈرائیور نے کچل دیا۔ اس حادثے میں اے آر ٹی او ٹیم کے دو ارکان کی موت ہوگئی ہے۔Truck Kills Two Members of ARTO team

لکھنؤ: منگل کی صبح لکھنؤ بلیا قومی شاہراہ پر چیکنگ کر رہی اے آر ٹی او انفورسمنٹ ٹیم کو ٹرک ڈرائیور نے کچل دیا۔ اس واقعہ میں اے آر ٹی او ڈرائیور اور لکھنؤ کے رہائشی کانسٹیبل کی موقع پر ہی موت ہو گئی۔ موقع پر پولیس کی ٹیم تعینات کر دی گئی ہے۔ پولیس نے ٹرک کو قبضے میں لیکر تفتیش شروع کر دی ہے۔

دراصل اے آر ٹی او انفورسمنٹ آر کے ورما لکھنؤ بلیا نیشنل ہائی وے پر چیکنگ کر رہے تھے۔ اس دوران گوسائی گنج تھانہ علاقہ کے ادھم پور چوراہے کے قریب مخالف سمت سے آ رہی ٹرک نے انفورسمنٹ ٹیم کی گاڑی کو زوردار ٹکر ماری۔ اس واقعہ میں انفورسمنٹ ٹیم کے کونٹریکٹ ڈرائیور عبدالمومن خان ساکنہ شاستری نگر تھانہ کوتوالی نگر اور کانسٹیبل ارون سنگھ ساکن بی کے ٹی لکھنؤ کی موقع پر ہی موت ہو گئی۔ حادثے کا شکار ہونے والے ٹرک کو پولیس نے پکڑ لیا ہے۔

گوسائی گنج کے ایس ایچ او سندیپ رائے نے بتایا کہ سلطان پور سے کادی پور کی طرف جا رہے ٹرک کا پتہ رائے بریلی ضلع سے منسلک ہے۔ تاہم پولیس پورے معاملے میں ٹرک مالک سے رابطہ کرنے کی کوشش کر رہی ہے۔ وہیں لاش کو پوسٹ مارٹم کے لیے بھیج دیا گیا ہے۔ پوسٹ مارٹم رپورٹ کی بنیاد پر مزید کارروائی کو یقینی بنایا جائے گا۔