کٹرا بلہور شاہراہ پر ٹرک اور ٹریکٹر کے درمیان ٹکر کے نتیجے میں 2 افراد کی موقع پر ہی موت ہو گئی۔ جبکہ دو افراد کی موت علاج کے دوران ہسپتال میں ہوئی۔
اس حادثہ میں زخمیوں کو علاج کے لئے کمیونٹی ہیلتھ سنٹر میں داخل کرایا گیا ہے۔
پولیس دستے اور انتظامی افسران موقع پر موجود ہیں۔
دراصل ٹرک اور ٹریکٹر کی سیدھی ٹکر کی وجہ سے یہ واقعہ پیش آیا۔ اس حادثہ میں گدوا پور کے سنیل اور وشو ناتھ کی موقع پر ہی موت ہو گئی۔ جبکہ ومل کمار اور منا نے علاج کے دوران ہسپتال میں دم توڑ دیا۔
اس کے بارے میں ایڈیشنل سپرنٹنڈنٹ آف پولیس کے جی سنگھ نے بتایا کہ ' کوتوالی بلگرام علاقہ میں کٹرا بلحور ہائ وے پر ٹرک اور ٹریکٹر کی ٹکر ہو گئی ہے۔ جس میں چار افراد کی موت واقع ہوئی ہے۔ جب کہ کچھ لوگ زخمی ہوئے ہیں۔ زخمیوں کو علاج کے لیے ہسپتال میں داخل کرایا گیا ہے۔'
